1. INTSHAYELELO
1.1 Kwintlanganiso yeentloko zamasebe emfundo kuzwelonke nawamaphondo ngowe-18 Matshi 2003, kwagqitywa ekubeni kugcinwe imigaqo kazwelonke yango-2002 yokupasa kwiBakala 9 nakulo we-2003.
1.2 KumaBakala R kuye ku-8 kusebenza inkqubo yokuqhubela phambili komfundi neentanga zakhe.
1.3 La macandelo alandelayo achaza imigaqo yokupasa kwiBakala 9 kunye nenkqubo yokuqhubela phambili kwabafundi kumaBakala R kuye ku-8.

2. IBAKALA 9
2.1 Imigaqo yokupasa (Promotion requirements)

  • IBakala 9 libonisa ukufikelela esiphelweni kweCandelo leMfundo noQeqesho Jikelele (General Education and Training Band).

  • Kweli bakala kusebenza inkqubo yokupasa komfundi (promotion).

  • Kujongwe ukuba, kwinkalo yesifundo (learning area) nganye, ama-75% amanqaku okupasa athathwe kuvavanyo oluqhutywa ezikolweni (school-based assessment) olwaziwa ngokuba (yi-continuous assessment) aze ama-25% avele kuvavanyo lwangaphandle (external assessment) olwaziwa ngokuba (yi-common task for assessment).

  • Bonke abafundi beBakala 9 kuzo zonke izikolo zephondo kuza kufuneka bagqibe uvavanyo lwemisebenzi yesiqhelo (common tasks for assessment) olusetwa nguzwelonke kuzo zonke iinkalo zezifundo (learning areas).

  • Ukuze abe nokupasa aye kwiBakala 10, kufuneka umfundi anelise ezi mfuno zilandelayo:

    Ubuncinane makafumane “Upasile” (“Achieved”) (ukhowudi 3) kuLwimi, uLwazi lokuFunda nokuBhala noNxibelelwano (Language, Literacy and Communication - LLC), nakuLwazi lweMathematika, kwiMathematika nakwiiSayensi zeMathematika (MLMMS)

    YAYE

    afumane ubuncinane oku “Upase ezithile” (“Partially achieved”) (ukhowudi 2) kwinkalo nganye yeenkalo zezifundo (learning areas) ezintandathu ezisaleleyo.

  • Iipesenti ezinxulumene nokufakwa kwirekhodi nokubhalwa kweekhowudi ezichaza amanqanaba zezi zilandelayo:

IKHOWUDI YENQANABAINKCAZO YENQANABAIPESENTI
1 Akapasanga 0% to 34%
2 Upase ezithile 35% to 39%
3 Upasile 40% to 69%
4 Ugqwesile okanye upase emagqabini 70% nangaphezulu
2.2 Ukunyuselwa kwabafundi (Condonations)

Kusebenza ezi ndlela zonyuselo lwabafundi zilandelayo kwiBakala 9 ngo-2003:

Umfundi uya kunyuselwa ukuba ufumana oku (“Upasile”) (ukhowudi 3) nokuba ngaba kukuLwimi, uLwazi lokuFunda nokuBhala noNxibelelwano (Language, Literacy and Communication - LLC), okanye kuLwazi lweMathematika, kwiMathematika nakwiiSayensi zeMathematika (MLMMS), aze afumane ubuncinane “Upase ezithile” (ukhowudi 2) kwenye yezi nkalo zezifundo zimbini.

YAYE

afumane ubuncinane oku “Upase ezithile” (“Partially achieved”) (ukhowudi 2) kwiinkalo zezifundo ezine kwezo zintandathu zisaleleyo.

QAPHELA: Anganyuselwa umfundi nokuba ngaba ufumene ubuncinane oku “Akapasanga” (ukhowudi 1) kwiinkalo zezifundo ezimbini kwezo zintandathu zisaleleyo.
2.3 Ukunyinyiswa kwemiqathango (Concessions)

Oku kunyinyiswa kwemiqathango kulandelayo kusebenza:

  • Kubafundi abafumana izithintelo emfundweni

    Abafundi abafumana izithintelo emfundweni abakwizikolo eziqhelekileyo nakwizikolo zabemfundo eneemfuno ezizodwa baya kulungiselelwa ngokuthi kwenziwe utshintsho apha naphaya kwikharityhulam, ngokuthi baxolelwe kwimiqathango ethile nangokuthi kuhlenga-hlengiswe iindlela zovavanyo ezisetyenziswayo. Ukunyinyiswa kwemiqathango kuya kwenziwa ngokususela kwizicelo ezenziwe zizikolo ezichaphazelekayo. Ezi zicelo mazingeniswe kumphathi wesekethe yaye mazibandakanye ubungqina bongenelelo ngoncedo (intervention) olwenziweyo. Kufuneka isikolo sibonise ubungakanani bezithintelo ekufundeni obubangela kufaneleke ukunyinyiswa imiqathango. Oku kunyinyiswa kwemiqathango kuya kunikwa kwinqanaba le-EMDC.

  • Abafundi abazizithulu (Deaf learners)

    Abafundi abazizithulu baxolelwe kumqathango weelwimi zaseburhulumenteni ezimbini, kodwa mabenze ubuncinane ulwimi lwaseburhulumenteni olunye. Kukwasebenza indlela yokunyuselwa kwabafundi efanayo naleyo echazwe kumhlathi 2.2.

  • Abafundi abavela kwamanye amazwe (Immigrants)

    Abafundi abavela kwamanye amazwe ababe lapha kweli lizwe ithuba elingekho ngaphezu kweminyaka emithathu (oko kuthi abaqale ukufunda kwisikolo saseMzantsi Afrika emva koJanuwari 2001) baxolelwe kumqathango wokufunda iilwimi zaseburhulumenteni ezimbini. Aba bafundi mabenze ubuncinane ulwimi lwaseburhulumenteni olunye. Kukwasebenza nakubo indlela yokunyuselwa kwabafundi efanayo naleyo echazwe kumhlathi 2.2.

    		•
    3. UKUQHUBELA PHAMBILI KWABAFUNDI (PROGRESSION) KUMABAKALA R-8
    3.1 NgokomGaqo-nkqubo woVavanyo kazwelonke (IGazethi kaRhulumente 19640, 23 Disemba 1998) kusebenza kula mabakala umgaqo wokuqhubela phambili komfundi noontanga bakhe.
    3.2 “Oontanga” (Age cohort) bomfundi kuthetha abanye abafundi abaqala ukufunda ngonyaka omnye naye okanye abalingana okanye ababulingana naye ngobudala.
    3.3 Ngokomgaqo-nkqubo wovavanyo, ”ukuqhubela phambili” akumele kuthethe ukuba umfundi utyhalelwa nje phambili kwibakala elilandelayo qho ngonyaka. Kuthetha ukuba umfundi ukuqhubela phambili ngenjongo yokuba afumane iziphumo ezikumgangatho ofanelekileyo kwelo bakala ngawo wonke unyaka. Utitshala, umfundi nomzali mabathi bonke kunye baqinisekise ukuba iyenzeka le nkqubela-phambili ngawo wonke unyaka. Abafundi nabazali mabaxelelwe kwangethuba ukuba umfundi akenzi nkqubela yaneleyo.
    3.4 Injongo yovavanyo kukuqokelela qho ubungqina obubonisa akufumanayo koko kuqhubela phambili. Ukuba umfundi akabonisi bungqina bolwazi oluphucukayo, umbandela wenkxaso uba ngobaluleke kakhulu ukwenzela ukulungiselela ukuba afumane iziphumo ezikumgangatho ofanelekileyo.
    3.5 Kungekudala eli Sebe leMfundo liza kuthumela isikhokelo esilula nesiqondakala ngokulula sokunika inkxaso okokuqala kubafundi.

    4. IZINTO NGOKUBANZI
    4.1 Nceda wazise bonke abachaphazelekayo, ingakumbi ootitshala, abazali nabafundi okubhalwe kule setyhula.
    4.2 Imibuzo malunga nokubhalwe kule setyhula ingabhekiswa kubalawuli bee-EMDC nakubacebisi ngezekharityhulam abaziintloko abakwi-EMDC.


    ISAYINWE: NGU-P.A. VINJEVOLD
    INTLOKO: YESEBE LEMFUNDO
    UMHLA: 2003:05:07