| 1. |
Soos u bewus is, is voorsiening gemaak vir die toestaan van skeidingspakkette aan botallige opvoeders en staatsdienspersoneel. In hierdie verband word u verwys na die Raamwerkooreenkoms: Transformasie en Herstrukturering van die Staatsdiens (Resolusie 7/2002). Volledigheidshalwe moet hierdie omsendbrief met Omsendbriewe 0116/2002 en 0008/2003 van 19 September 2002 en 8 Januarie 2003 onderskeidelik, saamgelees word. (‘n Kopie van die Raamwerkooreenkoms is saam met Omsendbrief 0116/2002 uitgestuur.) |
| 2. |
Die voorwaardes waaronder, en die maatreëls waarvolgens die skeidingspakket toegestaan sal word, geskied dus volgens bogemelde Raamwerkooreenkoms.
NOTA
‘n Opvoeder of staatsdienswerknemer wat die skeidingspakket ontvang het, mag nie binne ‘n jaar na diensbeëindiging permanent in ‘n pos in ‘n provinsiale onderwysdepartement of ‘n ander staatsdepartement aangestel word nie.
Dit is die prerogatief van die Wes-Kaap Onderwysdepartement (WKOD) om ‘n aansoek om die skeidingspakket goed of af te keur en gevolglik het geen botallige opvoeder of staatsdiensamptenaar ‘n ongekwalifiseerde reg op ‘n skeidingspakket nie.
|
| 2.1.1 |
|
Slegs opvoeders wat reeds amptelik as botallig geklassifiseer is, kom in aanmerking vir die oorweging van die skeidingspakket. |
| 2.1.2 |
|
Die WKOD sal egter wel die toestaan van ‘n skeidingspakket aan ‘n opvoeder wat tydens ‘n vorige regskikkingsproses as botallig verklaar is, maar intussen in ‘n substantiewe pos opgeneem is, oorweeg in die geval waar die opvoeder se profiel nie aan die kurrikulumvereistes van die skool voldoen nie (soos byvoorbeeld ‘n musiekopvoeder wat nou ander vakke/grade/fases onderrig). In sodanige geval sal die prinsipaal en die beheerliggaam moet aandui waarom en tot watter mate die opvoeder se profiel nie aan die skool se kurrikulumvereistes voldoen nie. |
| 2.1.3 |
|
Die WKOD sal ook gewillig wees om oorweging te skenk aan die toestaan van die skeidingspakket aan bevorderingsposbekleërs wat nie amptelik botallig is nie, maar bo die opvoederdiensstaat van die skool is. Hierdie opvoeders sluit in, onder andere, daardie opvoeders wat aangestel is in bevorderingsposte wat aan die skool toegeken is as gevolg van die OLSO-poste wat foutiewelik in berekening gebring is toe die getal bevorderingsposte van die betrokke skool bepaal is. Dit moet egter beklemtoon word dat dit die prerogatief van die WKOD bly om 'n aansoek om die skeidingspakket goed of af te keur. |
| 2.2.1 |
|
Die aansoeke van ALLE preprimêre opvoeders, met die uitsondering van prinsipale van gewone openbare preprimêre skole, om die skeidingspakket sal goedgekeur word en die poste wat weens die toestaan van die skeidingspakkette ontruim word, sal afgeskaf word. |
| 2.2.2 |
|
In die plek van 'n pos wat afgeskaf word, sal die WKOD die voorgeskrewe subsidie aan die skool betaal ooreenkomstig die voorskrifte wat die betaling van die subsidie reguleer. |
| 2.3 |
|
Intallige opvoeders in substantiewe poste (opvoeders wat poste beklee wat binne die goedgekeurde diensstaat van die skool val) |
| 2.3.1 |
|
‘n Aansoek van ‘n opvoeder wat nie botallig is nie, maar wat graag die diens van die WKOD met die skeidingspakket wil verlaat, sal alleenlik oorweeg kan word indien hy of sy ‘n uitruiling met ‘n botallige opvoeder op dieselfde posvlak aan dieselfde of ‘n ander onderwysinrigting kan bewerkstellig. |
| 2.3.2 |
|
‘n Intallige opvoeder wat om die skeidingspakket aansoek wil doen, is verantwoordelik vir die identifisering van ‘n geskikte botallige opvoeder met die oog op ‘n uitruiling. |
| 2.3.3 |
|
Uitruilings geskied ingevolge die voorskrifte in Omsendbrief 0074/2002. |
| 2.3.4 |
|
Skoolhoofde en voorsitters van die beheerliggame van beide inrigtings moet, na behoorlike inagneming van die kurrikulumbehoeftes van die skool, toestemming verleen vir die uitruiling. Die betrokke bylae moet deur alle rolspelers volledig voltooi en onderteken word.
(Kyk Bylae C: Uitruiling van Opvoeders.) |
| 2.4 |
|
Skoolhoofde
In die reël is skoolhoofde nooit botallig nie. Derhalwe kan slegs skoolhoofde wat as gevolg van die sluiting van hulle skole botallig verklaar is, aansoek doen om die skeidingspakket. Let asseblief daarop dat prinsipale wie se skole hergradeer is sodat die gradering van die skool van die rang van die prinsipaal verskil, nie vir die toestaan van die skeidingspakket kwalifiseer nie. |
| 2.5 |
|
Staatsdienspersoneel
Alle botallige staatsdienspersoneel kwalifiseer om die diens met die skeidingspakket te verlaat. Die uitruiling van 'n intallige personeellid met 'n botallige personeellid ten einde die intallige personeellid in staat te stel om die diens met die skeidingspakket te verlaat, sal op die meriete van die geval oorweeg word. Al die betrokke partye moet hulle skriftelike toestemming tot sodanige uitruiling verleen. Vir diè doel moet Bylae A gebruik word. |
| 3. |
Sluitingsdatum vir ontvangs van aansoeke
Die sluitingsdatum vir ontvangs van aansoeke is 23 Mei 2003. |
| 4. |
Datum van diensbeëindiging
Die laaste dag van diens is soos deur die WKOD bepaal sal word. |
| 5. |
Finansiële voordele van die skeidingspakket
Die voordele betaalbaar aan diegene wat diens met die skeidingspakket verlaat, is soos per die onderskeie bylaes wat by die Raamwerkooreenkoms aangeheg is. |
| 6. |
Prosedure vir die indien van aansoeke om die skeidingspakket
Alle aansoeke om die skeidingspakket moet deur die skoolhoof en die beheerliggaam aanbeveel word en in die geval van opvoeders moet aansoeke gerig word aan
Hoof: Onderwys
Afdeling Uitdienstredings (Opvoeders)
Privaatsak X9114
Kaapstad
8000
In die geval van staatsdienspersoneel moet aansoeke gerig word aan
Hoof: Onderwys
Afdeling Uitdienstredings (Staatsdienspersoneel)
Privaatsak X9114
Kaapstad
8000
|
| 7. |
Kwotasies
Aansoek om ‘n kwotasie moet op Bylae D gedoen word.
|
| 8. |
Die volgende dokumente, wat slegs op aanvraag aan opvoeders wat kwalifiseer om vir die skeidingspakket in aanmerking geneem te word, beskikbaar gestel sal word, moet die aansoek om die skeidingspakket vergesel: |
| 8.1 |
|
Aansoek om skeidingspakket - botallige werknemer (Bylae B) |
| 8.2 |
|
Aansoek om uitruiling - intallige werknemer (Bylae A / C) |
| 8.3 |
|
Skriftelike bewys vanaf die betrokke finansiële instelling dat die werknemer se staatswaarborg op die behuisingslening afgelos is (Bylae E) |
| 8.4 |
|
Bevestiging van werknemer se belastingnommer (Bylae F)
NOTA: Ondervinding het geleer dat nie alle werknemers as belastingpligtiges geregistreer is nie, iets wat die uitbetaling van voordele vertraag. Werknemers wat om die skeidingspakket aansoek doen, moet dus sorg dra dat hulle as belastingbetalers geregistreer is. |
| 8.5 |
|
Gewaarmerkte afskrif van identiteitsdokument (vir die doeleindes van pensioenuitbetaling deur Departement van Finansies: Pensioene Administrasie, Pretoria) |
| 8.6 |
|
Vorm WP891 (betaling van pensioenvoordele) |
| 8.7 |
|
Vorm Z5831 (aansoek om voortgesette lidmaatskap van die mediese fonds) |
| 8.8 |
|
Vorm Z8941 (vir ondertekening deur werknemer se bank/bouvereniging) |
| |
1 Die vorms wat nodig is om die skeidingspakket af te handel sal aan u gestuur word sodra
u aansoek goedgekeur is. |
| 9. |
Alle aansoeke moet asseblief so spoedig moontlik deur hoofde van inrigtings en direktorate aan die WKOD besorg word. |
| 10. |
Die bevoegdheid vir die goedkeuring of afkeuring van die skeidingspakket is gesetel in die ONDERWYSHOOF. |
| 11. |
Let asseblief ook op die bepaling van die Raamwerkooreenkoms waarkragtens botallige personeel wat nie om vakante poste aansoek doen of saamwerk om herontplooi te word nie, die gevaar loop om uit diens gestel te word. |
| 12. |
Bring asseblief die inhoud van hierdie omsendbrief onder die aandag van alle personeellede en die beheerstruktuur van die inrigting of die direktoraat. |
| 13. |
U samewerking sal hoog op prys gestel word. |
GETEKEN: J.H. HURTER
HOOF: ONDERWYS
DATUM: 2003:04:16
|