1. Die WKOD se beleid rakende die indiensneming van kantoorgebaseerde opvoeders op kontrak vir ‘n vaste termyn maak voorsiening vir die aanstelling van hierdie opvoeders vir 'n maksimum tydperk van ses maande. Hierdie kontrakte kan nie hernu of verleng word nie, maar nuwe kontrakte kan aangegaan word as daar 'n behoefte bestaan. Die posvlak waarop hierdie kontrakaanstellings gemaak word, word bepaal deur die pligte en verantwoordelikhede wat aan die betrokke werknemer toegewys sal word.
2. 'n Werknemer kan dus aangestel word op 'n posvlak/gradering laer as, maar nie hoër as die vakante substantiewe pos waarteen die kontrakaanstelling gemaak word.
3. Die posvlak van kontrakaanstellings van kantoorgebaseerde opvoeders sal soos volg bepaal word:
3.1 'n Komitee sal aangestel word om die posvlak/gradering van die aanstelling te bepaal. Die gradering sal gebaseer wees op die pligte en verantwoordelikhede wat aan die betrokke werknemer toegewys sal word.
3.2 Die komitee sal bestaan uit die hoofdirekteur en die direkteur van die direktoraat waar die aanstelling gemaak sal word, tesame met verteenwoordigers van die Direktoraat: Personeelbestuur (Opvoeders).


GETEKEN: J.H. HURTER
HOOF: ONDERWYS
DATUM: 2003:04:11