| 1. |
Die UNESCO-geïnisieerde Wêreldboekdag-viering word jaarliks op William Shakespeare se geboortedag gehou. In 2003 val die viering op Woensdag, 23 April. |
| 2. |
Die tema vir die dag, LEWENSLANGE VRIENDE, reflekteer die toenemende belangrikheid van leesvaardighede en die behoefte aan die gebruik van ’n wye reeks leerbronmateriaal in die implementering van die hersiene Kurrikulum 2005. |
| 2.1 |
|
Aangeheg is ’n lys voorstelle vir skoolgebaseerde aktiwiteite saamgestel deur die Evalueerders : Kurrikulumbronne van EDULIS (WKOD-Biblioteek- en Inligtingsdiens) om Wêreldboekdag op ’n sinvolle en genotvolle wyse te vier. |
| 3. |
’n Kleurryke en betekenisvolle plakkaat wat die gees van Wêreldboekdag uitbeeld, sal beskikbaar wees om deur skole afgehaal te word by die volgende plekke: Metropool Sentraal-OBOS (Mowbray); Metropool Noord-OBOS (Parow-Onderwysersentrum); Weskus-Wynlande-OBOS (Paarl); Suid-Kaap/ Karoo-OBOS (George); Oudtshoorn-Onderwysersentrum; Breederivier/Overberg-OBOS (Worcester); Metropool-Suid-OBOS (Lentegeur); en, Metropool-Oos-OBOS (Kuilsrivier). |
| 4. |
Skole word aangemoedig om hulle erkenning van die waarde van lees te betoon deur geesdriftig aan leesgebaseerde aktiwiteite deel te neem op Wêreldboekdag. |
GETEKEN: R.B. SWARTZ
HOOF: ONDERWYS
DATUM: 2003:03:27
|