| 1. |
'n Afskrif van die voorlopige rooster vir die 2003 Senior Sertifikaat-eksamen is aangeheg. |
| 2. |
Skole moet daarop let dat die getal van die algemene nasionale vakke vanaf 2003 van vyf tot ses vermeerder is deur Geskiedenis HG en SG in te sluit. Die datums vir dié ses algemene nasionale vakke, naamlik Rekeningkunde HG en SG, Biologie HG en SG, Engels Tweede (Addisionele) Taal HG en SG, Geskiedenis HG en SG, Wiskunde HG en SG en Natuur- en Skeikunde HG en SG is deur die Departement van Onderwys (DvO) bepaal en is nie onderworpe aan veranderinge nie, behalwe deur nasionale konsensus. |
| 3. |
Vakke wat slegs op standaardgraad aangebied word, word as SG aangedui. Vakke in die boonste gedeelte van elke blok op die aangehegte rooster word soggens afgelê, en dié in die onderste gedeelte word namiddae geskryf. |
| 4. |
Waar moontlik, sal die WKOD probeer om kandidate te akkommodeer wat vir sekere vakke inskryf wat deur die Departement van Onderwys (N-vakke) asook ander eksaminerende owerhede, bv. die Onafhanklike Eksamenraad (IEB) geëksamineer word. Nietemin sal voorkeur gegee word aan kandidate wat die vraestelle van die WKOD aflê. |
| 5. |
Alle prinsipale word versoek om die WKOD voor Vrydag 30 Mei 2003 in kennis te stel van enige botsings in die rooster of van vakke wat uitgelaat is. Skryf asseblief aan Die Hoof: Onderwys, Wes-Kaap Onderwysdepartement (Vir aandag: Mnr. TJ Magwaca), Privaatsak X9114, KAAPSTAD, 8000. Veranderinge aan die voorlopige rooster sal slegs toegestaan word in gevalle waar die verskuiwing van ‘n vak nie die meeste kandidate wat deur die verskuiwing geraak word, benadeel nie. |
| 6. |
Die praktiese komponente van die eksamens vir Rekenaarstudie HG en SG sal om 09:00 op Donderdag 18 September 2003 en Vrydag 19 September 2003 onderskeidelik afgelê word. |
| 7. |
Eksamendatums van vakke wat by die onderwysinrigtings van die WKOD aangebied word, maar deur ander eksamineringsrade geëksamineer word, sal later bepaal word. Dít mag aanpassings aan die rooster noodsaak. |
| 8. |
Let asseblief daarop dat hierdie ‘n voorlopige rooster is wat na alle waarskynlikheid veranderinge mag ondergaan. Die finale eksamenrooster sal vroeg in die derde kwartaal, na die aanvanklike prosessering van die eksameninskrywings, aan alle skole en inrigtings gestuur word. |
| 9. |
Laat weet asseblief alle kandidate dat hulle beskikbaar moet wees om eksamens te skryf tot die laaste dag van die vierde skoolkwartaal indien dit om die een of ander rede nodig mag raak om die skryfdatum of -tyd van ‘n bepaalde vraestel te herskeduleer.
|
GETEKEN: B.K. SCHREUDER
HOOF: ONDERWYS
DATUM: 2003:04:09
|