Omsendbrief 144/2002 het al die bogenoemde partye ingelig dat daar van elke skool verwag word om teen 31 Januarie 2003 ‘n skoolontwikkelingsplan gereed te hê.

Gedurende die periode van 14 April tot 26 Junie 2003 sal 'n span van eksterne monitors wat deur die WKOD aangestel is 'n groep skole in die provinsie, wat ewekansig geselekteer is, besoek met die doel om

• te monitor tot watter mate skole daarin geslaag het om te voldoen aan die vereistes wat in Omsendbrief 144/2002 uitgespel is.

• te bepaal watter vordering gemaak is met die implementering van die planne.

• vas te stel watter soort ondersteuning van die OBOS’e verlang word.

• raad te gee rakende die implementering van skoolontwikkelingsplanne en op vrae te reageer.

Monitors sal met prinsipale ooreenkom oor 'n datum en ‘n tyd vir die besoek.

Ek vertrou dat u hierdie waardevolle geleentheid sal benut om te deel in die kennis en ervaring van opgeleide monitors.

GETEKEN: J.H. LYNERS
HOOF: ONDERWYS
DATUM: 2003:04:14