|
Die Minister van Onderwys, Professor Kader Asmal, het ‘n uitnodiging aan alle skole gerig om deel te neem aan die Vryheidsdagvierings op 27 April 2003. Aangesien die werklike datum, 27 April, op ‘n Sondag val, het die nasionale Departement van Onderwys voorgestel dat skole en opvoeders hulle toewy aan die waardes van die Grondwet deur aktiwiteite wat die waarde van vryheid beklemtoon vir die maand April voor te berei. Aktiwiteite kan beplan word op verskillende vlakke. Opvoeders kan bv. klaskamer-aktiwiteite beplan, terwyl senior bestuurspanne aktiwiteite kan organiseer wat die hele skool, sowel as skoolbeheerrade en plaaslike gemeenskappe sal betrek. Die oorhoofse tema vir vanjaar is ‘Wat vryheid vir my en my gemeenskap beteken’. Aktiwiteite moet een van die volgende subtemas, of almal reflekteer:
Om u met die temas by te staan, verskaf die nasionale Departement van Onderwys, in samewerking met die Ministeriële komitee vir Geskiedenis en die Suid-Afrikaanse Geskiedenisprojek, opvoedkundige bronne wat u kan help om deel te neem aan die vierings. Die materiaal sal temas in meer detail verduidelik en ook aktiwiteite vir die klaskamer of skool voorstel. Klaskameraktiwiteite is ontwerp as kurrikulumaktiwiteite en is nie slegs bygevoegde aktiwiteite nie. Die bronnepakket sal na u toe aangestuur word teen die einde van Maart 2003. Indien u nog niks hiervan ontvang het teen die middel van April nie, kontak asseblief u OBOS of provinsiale koördineerder wat u sal help om die materiaal te bekom. Kontakbesonderhede van die provinsiale koördineerder is as volg: Me G. Weldon Senior Kurrikulum Beplanner: Geskiedenis Tel.: 021-4672251, Faks: 021-4672258 gweldon@pgwc.gov.za Alhoewel deelname vrywillig is, word daar vertrou dat alle skole van die geleentheid gebruik sal maak om deel te wees van hierdie nasionale poging. GETEKEN: A.P. CLAUSEN |
| Die dokumente, waarna verwys word as bylaes by die omsendbrief, word nie aangeheg nie maar is as drukstukke beskikbaar. |