1. |
Vernaamste veranderings
Die volgende veranderings is vir 2003/04 aan die begrotingstruktuur aangebring.
|
1.1 |
|
Program 1: Administrasie
Program 7: Kurrikulumbeplanning en program 8: Gespesialiseerde dienste van 2002/2003 word saamgevoeg in Subprogram 1.3: Onderwysbestuur. Die onderskeie direktorate het nie meer aparte doelwitte nie, maar hul uitgawes sal d.m.v. verantwoordelikheidskodes onderskei word.
‘n Nuwe Subprogram 1.4: Menslike Hulpbronontwikkeling word geskep waarteen sulke uitgawes, wat verband hou met personeel in Program 1, geboekstaaf sal word.
|
1.2 |
|
Program 2: Openbare Gewoneskoolonderwys
Die Subprogramnommer: ‘Primêre en Sekondêre’ skole van 2002/2003 word geskrap. Skole word slegs in 2 groepe verdeel soos volg:
- Skole met leerders in grade 1 tot 9 = Primêr
- Skole met leerders in graad 1 tot grade hoër as Gr. 9 = Sekondêr.
’n Nuwe Subprogram 2.3: Professionele en spesiale dienste is geskep vir die uitgawes van die OBOS’e (voorheen Program 9: Onderwysbestuur en ontwikkeling).
Veiligeskole verval as ‘n subprogram en vorm deel van die OBOS’e se begrotings.
‘n Nuwe Subprogram 2.4: Menslike Hulpbronontwikkeling word geskep waarteen sulke uitgawes wat verband hou met personeel in Programme 2, 4, 5, 6, 7 en 8 geboekstaaf sal word.
|
1.3 |
|
Program 6: Volwassene basiese onderwys en opleiding
Hierdie program is slegs vir volwassene onderwys.
|
1.4 |
|
Program 7: Vroeëkindontwikkeling
Hierdie is ’n “nuwe” program spesifiek vir vroeëkindontwikkeling.
|
1.5 |
|
Program 8: Ondersteunende en verwante dienste
Die Program bestaan uit die volgende:
Subprogram 8.1: SOOO (Sektorale onderwys-en-opleidingsowerheid)
Dit is vir die betaling van die 10% van die 1% bydrae tot die SOOO.
Subprogram 8.2: Voorwaardelike toekennings
Die voorwaardelike toekennings vir finansiële bestuur en gehaltebevordering sowel as vir HIV/VIGS is hier geplaas.
Subprogram 8.3: Eksamens
Dit is vir die Direktoraat: Eksamens (hoofkantoor) se uitgawes (voorheen in Program 7).
Subprogram 8.4: Onderwysopleiding
Dit is vir die bestaande onderwyskolleges (voorheen Program 10) sowel as vir die Instituut se uitgawes.
|
2. |
Kodelys
Hierby aangeheg is die nuwe verkorte Kodelys vir 2003/2004. Volledige kodelyste is beskikbaar op Finansiële Bestuurstelsel (FBS). Let daarop dat daar heelwat nuwe doelwitkodes geskep is (veral m.b.t. paragraaf 1 hierbo).
Die struktuur soos dit nou aangepas is, is nie die ideaal vir die WKOD nie, maar daar word nie op hierdie stadium verdere aanpassings gemaak nie omdat die WKOD m.i.v. 1 April 2004 na ‘n nuwe boekhoustelsel (BAS) oorskakel.
|
3. |
U word vriendelik versoek om alle rolspelers in kennis te stel. Indien daar enige onduidelikhede is, kan u die Direktoraat Begrotingsbestuur nader.
Om verwarring te voorkom, word u versoek om alle vorige kopieë van kodelyste wat u mag besit , te vernietig.
|
4. |
U samewerking in hierdie verband sal waardeer word. |
GETEKEN: A.J. VAN NIEKERK
HOOF: ONDERWYS
DATUM: 2003:03:31
|