| 1. |
Om aan internasionale standaarde te voldoen, het die Georganiseerde Rekeningkundeprofessie ingrypende veranderinge aan die formaat van finansiële state aangebring. Gedurende Julie 2000 het die Nasionale Departement van Onderwys (NDvO) die Rekeningkundesillabusse vir die Senior Sertifikaat in ooreenstemming gebring met ontwikkelinge in die Rekeningkundeprofessie. |
| 2. |
Die formate van finansiële state is dienooreenkomstig verander. (Verwys asseblief na Omsendbriewe 0166/2000 en 0046/2002.) |
| 3. |
Dit het egter onder die aandag van die NDvO gekom dat baie skole nog steeds handboeke gebruik waarin finansiële state in die vorige formate verskyn. Dit sal ongetwyfeld ’n negatiewe impak hê op Senior Sertifikaat-kandidate wat sedert 2002 op die hersiene formate van finansiële state getoets word. |
| 4. |
Alle betrokke opvoeders word daaraan herinner en ernstig gemaan om te verseker dat slegs daardie Rekeningkundehandboeke wat die nuutste hersiene formate bevat, gebruik word. |
GETEKEN: A.P. CLAUSEN
HOOF: ONDERWYS
DATUM: 2003:04:01
|