| 1.1 |
|
Gedurende die afgelope jaar was daar `n toename in die aantal leerders wat die VBOO vlak 4-eksamens geskryf het en in die slaagpersentasie. Die WKOD wens al die betrokke persone geluk met die verbeterde prestasie van 2002. |
| 1.2 |
|
Die WKOD raai leerders aan om slegs vir die eksamen in te skryf as hulle gereed is daarvoor, in ooreenstemming met die DASS-beleid van die provinsiale kantoor. |
| 1.3 |
|
Opvoeders word aangemoedig om die werkswinkels en vergaderings wat deur die OBOS-beamptes aangebied word, by te woon en aktief daaraan deel te neem. |
| 2.1 |
|
Die WKOD sal weereens twee geleenthede aan leerders bied om eksamens in 2003 te skryf. Albei sal nasionale eksamens wees en sal deur die WKOD, die Nasionale Departement van Onderwys en UMALUSI gemonitor word. |
| 2.2 |
|
Die Mei-/Junie-eksamen begin op 26 Mei en die September-/Oktober-eksamen op 29 September 2003. |
| 2.3 |
|
Die leerarea-riglyne wat saam met die Omsendbrief 0075/2002 uitgestuur is, is van toepassing op albei eksamens. |
| 2.4 |
|
Opvoeders word aangeraai om in hulle voorbereiding van leerders vir die eksamens gebruik te maak van hierdie riglyne, die 2002 vlak 4-verslae van die VBOO hoofnasieners en vorige vraestelle. |
| 3. |
Deurlopende assessering |
| 3.1 |
|
Die verhouding van eksamen : DASS sal weer 50 : 50 wees en sentrums word aangemoedig om hulle portefeuljes op `n deurlopende basis te ontwikkel. Die struktuur van die portefeulje word in Bylae A van Omsendbrief 0075/2002 voorsien. |
| 3.2 |
|
Die nasionale kantoor en UMALUSI verwag dat provinsies `n DASS-stelsel wat die bevoegdheid van die leerders aandui, moet implementeer. Die DASS-riglyne van 2002 is van toepassing op beide die Junie- en Septemberassesserings. |
| 3.3 |
|
Daar moet 'n minimum van vyf items in die leerderportefeulje wees. |
| 3.4 |
|
Hierdie items moet van mekaar verskil en moet op die leerarea-riglyne gebaseer wees. Die items mag nie bloot net vier toetse wees nie. |
| 3.5 |
|
Die finale punt vir alle portefeuljetake moet as `n persentasie opgeteken word. |
| 3.6 |
|
Die finale DASS-punte en -portefeuljes sal deur die OBOS-kurrikulumadviseurs gemodereer word en deur provinsiale, nasionale en UMALUSI-amptenare geverifieer word. |
| 3.7 |
|
Dit is die verantwoordelikheid van opvoeders om aan elke leerder `n DASS-punt te gee en van sentrumbestuurders om te verseker dat elke leerder `n DASS-portefeulje vir elke leerarea het. |
| 3.8 |
|
Sentrumbestuurders moet ook toesien dat opvoeders `n rekord van al hulle assesserings in hulle opvoedersportefeuljes byhou. |
| 3.9 |
|
Opvoederportefeuljes moet al die take en hulle assesseringsinstrumente, en die leerders se punte en die terugvoering wat aan hulle gegee is, bevat. |
| 4.1 |
|
In 2002 het die nasionale departement besluit om Wiskundige Geletterheid, Wiskunde en Wiskundige Wetenskappe in die volgende twee verskillende leerareas te verdeel:
(a) Wiskundige Geletterheid (WG)
(b) Wiskunde en Wiskundige Wetenskap (WWW)
|
| 4.2 |
|
WG is `n fundamentele (verpligte) leerarea en dra 16 krediete. WWW dra 13 krediete en is opsioneel. |
| 4.3 |
|
Daar gaan net een vraestel in Junie 2003 wees, afdeling A gaan Wiskunde Geletterheid dek en afdeling B Wiskunde en Wiskundige Wetenskap. |
| 4.4 |
|
In Oktober 2003 sal daar verskillende vraestelle vir WG en WWW wees en elkeen sal 100 punte tel. |
| 4.5 |
|
Leerders wat vir beide WG en WWW inskryf, moet `n portefeulje vir elke leerarea hê. |
| 5.1 |
|
Ondersteuning kan verkry word van die VBOO-kurrikulumadviseurs en die kurrikulumadviseurs vir elke leerarea by die onderskeie OBOS'e. |
| 5.2 |
|
Die VBOO-kurrikulumadviseurs kan by die volgende telefoonnommers geskakel word:
| OBOS | VBOO-kurrikulumadviseur | Telefoon (werk) |
| Breederivier/Overberg | Mnr Joaniel Pieterse | 023 - 348 4600 |
| Metropool Sentraal | Mnr Moeain Arend (wnd.) | 021 - 659 4344 |
| Metropool Oos | Mnr Stephen Lategan | 021 - 946 4602 |
| Metropool Noord | Me Winifred Taylor | 021 - 948 0950 |
| Metropool Suid | Me Portia Mbude-Mutshekwane | 021 - 370 2000 |
| Suid-Kaap/Karoo | Mnr Jewel Jonkers | 044 - 873 6128 |
| Weskus/Wynland | Kontak die Hoof Kurrikulumadviseur,
Mnr Pierre Boonzaaier | 021 - 872 9288 |
|
| 5.3 |
|
Vir verdere ondersteuning tree kan u in verbinding tree met mnr J Parbhoo by 021-4672572 of e-pos jparbhoo@pgwc.gov.za. |
| 5.4 |
|
Bring asseblief die inhoud van hierdie omsendbrief onder die aandag van alle betrokkenes. |
GETEKEN: P.A. VINJEVOLD
HOOF: ONDERWYS
DATUM: 2003:03:19
|