1. Die Nasionale Minister het 'n hersiene implementeringskedule vir die implementering van die Nasionale Kurrikulumverklaring (NKV) in skole in the Verdere Onderwys-en-opleidingsband aangekondig. Ingevolge die hersiene skedule sal die NKV in 2006 in graad 10 begin en uitgebrei word na graad 11 in 2007 en graad 12 in 2008.

2. Skole sal binnekort die volgende materiaal ontvang om hulle interne voorspraak- en ontwikkelingsprogramme te ondersteun:
2.1 Kopie van die verslag van die onlangse VOO-konferensie
2.2 Video van toesprake wat by die konferensie gelewer is

3. VOO-inligtingsbrosjures vir ouers is by die konferensie uitgedeel. Skole wat nie die konferensie bygewoon het nie, moet met die OBOS in verbinding tree om kopieë daarvan te bekom. Ouers en skoolbeheerliggame is kritieke rolspelers gedurende hierdie tydperk van herdefinisie van kurrikulum en moet op die hoogte gehou word van nuwe beleidsbesonderhede en debatte.

4. Skole sal aanstaande kwartaal die volgende ontvang:
4.1 VOO-veranderingsbestuursbeplanningstoerusting gebaseer op die bydraes van die konferensiewerkgroepe wat gevra is om skole se pad vorentoe uit te stip
4.2 Inligtingspakkette oor elkeen van die NKV-vakke met 'n aanduiding van die hoofkenmerke van die vakke, aanvangskoste, bedryfskoste, kwalifikasies van onderwysers en ander inligting wat vir skole tot nut sal wees as hulle ondersoek instel na vakke vir uitbreiding van hulle kurrikulums
4.3 Bygewerkte inligting oor die volgende:
4.3.1 Die korttermyntydskedules (bv. wanneer die beleid verklaar sal word)
4.3.2 Bykomende vakke wat ontwikkel word
4.3.3 Opleidingsplanne vir onderwysers
4.4 Prosedures en formaliteite, insluitende tydskedules, vir skole wat nie meer sekere vakke wil aanbied nie en ander wil byvoeg

5. Dit moet beklemtoon word dat die verlenging van die oorgangstydperk nie 'n geleentheid tot oorgerustheid is nie. Elke oomblik van die oorgangstydperk moet benut word vir strategiese kort- en mediumtermynbeplanning, per-soneelontwikkeling, distriksbeplanning, personeelondersteuning, personeel-berading en voorspraak vir die NKV.

6. Een van die hoofgeleenthede wat nou vanweë die bykomende tyd gebied word, kan deur skole benut word vir die verfyning van die ontwikkeling van onderwysers as uitkomsgebaseerde (UGO-) praktisyns. Die verlenging van die oorgangstydperk bied aan onderwysers meer geleentheid om die metodologie van UGO te verken terwyl hulle met bekende inhoud en sillabusse werk.
6.1 Prinsipale word daaraan herinner dat die formele invoer van UGO in die VOO- band in Omsendbrief 55/2002 bekendgemaak is.
6.2 Prinsipale word verder gewys op die waarde van die dokumentasie wat aan skole voorsien is om die onderrig van graad 10-leerders in 2003 te ondersteun.
6.3 Soortgelyke dokumente en assesseringsriglyne word voorberei ter ondersteuning van die onderrig- en ondersteuningsprogram vir die res van die VOO-band totdat die NKV in 2006 in graad 10 geïmplementeer word.

7. 'n Sterk pleidooi is tydens die VOO-konferensie gelewer vir die opleiding van prinsipale in strategiese bestuur. Die WKOD is van voorneme om hierdie pleidooi met die nodige erns te bejeën en sien uit na die gesamentlike strategiese beheer van nuwe elemente in die VOO-band wat in daardie stadium aan die gang gesit is.


GETEKEN: P.A. VINJEVOLD
HOOF: ONDERWYS
DATUM: 2003:03:24