| 1. |
Uitreiking van Geletterdheidslêer
Hierdie omsendbrief word vergesel van 'n Geletterdheidslêer. Hierdie lêers word uitgereik aan WKOD-inrigtings en aan toepaslike persone by OBOS'e. 'n Pakkie gedrukte invoegings sal per pos volg.
|
| 2. |
Doel van Geletterdheidslêer
Daar word beoog om die Geletterdheidslêer 'n steeds groterwordende versameling van bronmateriaal vir opvoeders en OBOS-personeel te maak, toegespits op die verbetering van leerders se geletterdheidstempo en -vlakke. Ten einde 'n ryk en informatiewe bronnebank daar te stel, sal die inhoud van die lêer op kwartaallikse basis aangevul word deur relevante stof.
|
| 3. |
Bestuur van Geletterdheidslêer |
| 3.1 |
|
Aangesien hoofde van inrigtings verantwoordbaar is vir kurrikulumlewering, word hulle versoek om 'n lid van die personeel aante stel as Geletterdheidskoördineerder. Hierdie persoon sal dan verantwoordelikheid aanvaar vir die instandhouding en bekendstelling van die lêer en om opvoeders op die hoogte moet hou van die inhoud daarvan. Die lêer moet toeganklik gemaak word vir opvoeders oor die kurrikulum heen sodat geletterdheidspraktyke by die inrigting aangehelp en ontwikkel kan word. |
| 3.2 |
|
Die Geletterdheidskoördineerder moet die volgende ontvang:
Die lêer met 8 tussenblaaie Die aanvanklike pak invoegings vir die lêer, wat per pos aangestuur sal word. Hierdie pak bevat 'n brief aan die Geletterdheidskoördineerder, die inhoudsopgawebladsy vir die lêer, en 'n reeks artikels soos aangedui in die inhoudsopgawe.
|
| 3.3 |
|
Ondersteuning in die gebruik van die lêer en in geletterdheidsontwikkeling sal gebied word vanuit die OBOS'e. Advies in hierdie verband kan verkry word van die volgende OBOS-geletterdheidskoördineerders:
Sentraal: Mnr G Davids 021 659 4423
Oos: Me E Solomon 021 903 1729
Noord: Me J Caroto 021 930 2100
Suid: Me J Leukes 021 370 2044
Me C Nissen 021 782 6102
Me M Kwinana 021 372 2770
Breederivier/Overberg: Me M Siddle 023 342 8993
Suid-Kaap/Karoo: Me C du Plessis 044 690 4007
Weskus/Wynland: Me J Baadjies 021 860 1212
Hoofde van opvoedkundige inrigtings word ernstig versoek om hierdie projek te ondersteun.
|
GETEKEN: P.A. VINJEVOLD
HOOF: ONDERWYS
DATUM: 2003:03:14
|