1. |
Agtergrond
Hierdie omsendbrief vergesel die Bronnelêer vir die Inklusiewe Kurrikulum wat deur die Wes-Kaap Onderwysdepartement aan alle onderwysinrigtings voorsien word om opvoeders te help met die implementering van kurrikulumaspekte wat voortspruit uit Onderwyswitskrif 6: Spesiale Onderwysbehoeftes, Die Bou van ‘n Inklusiewe Onderwys- en Opleidingstelsel, Julie 2001.
|
2. |
Bronnelêer vir die Inklusiewe Kurrikulum
Elke lêer sal uit die volgende bestaan: |
2.1 |
|
‘n Booglêer met ’n voorblad |
2.3 |
|
‘n Stel gedrukte materiaal, Module 1, wat die volgende insluit: |
2.3.1 |
|
'n Inleiding tot Inklusiewe Onderwys |
2.3.2 |
|
Agtergrond tot leerstoornisse |
2.3.3 |
|
Toegang tot die inklusiewe kurrikulum |
2.3.4 |
|
Bestuur van ondersteuning |
2.4 |
|
‘n Eksemplaar van Kurrikulum 2005-assesseringsriglyne |
3. |
Doel van en beheer oor lêer
Elke onderwysinrigting word versoek om ’n koördineerder aan te wys wat verantwoordelikheid sal aanvaar vir die instandhouding en bekendmaking van die lêer en om opvoeders op hoogte te hou van die inhoud van die lêer.
Die lêer moet ook beskikbaar wees vir al die opvoeders tydens hulle opleiding in die Hersiene Nasionale Kurrikulumverklaring en Inklusiewe Onderwys.
|
4. |
Toekomstige modules vir die Bronnelêer vir die Inklusiewe Kurrikulum
Skole sal van tyd tot tyd addisionele modules ontvang. Hierdie modules sal praktiese wenke en strategieë vir inklusiewe onderwys insluit.
|
5. |
Steun
Skole kan met hulle onderskeie OBOS’e in verbinding tree as hulle addisionele hulp en leiding benodig.
|
6. |
Webtuistes1
Vir verdere inligting in verband met die lêer en inklusiewe onderwys oor die algemeen, kan opvoeders die webbladsye vir Inklusiewe Onderwys en vir Leerstoornisse by die Kurrikulumontwikkelingwebtuiste by http://curriculum.wcape.school.za/site/40/page/view/ en http://curriculum.wcape.school.za/go/barriers besoek.
|
GETEKEN: P.A. VINJEVOLD
HOOF: ONDERWYS
DATUM: 2003:03:17
1 LW: Afdeling 6 is aangepas vir gebruik via die Internet.
|