Die maatreëls ten opsigte van die toekenning van spesiale verlof vir buitengewone omstandighede is soos volg:
| 1. |
Onderhewig aan die bepalings van artikel 18(1)(j) van die Wet op Indiensneming van Opvoeders, 1998 (Wet 76 van 1998) en nieteenstaande enige dissiplinêre maatreëls wat toegepas mag word, word ongemagtigde afwesigheid van ‘n opvoeder as spesiale verlof in buitengewone omstandighede geag en sodanige verlof is sonder salaris tensy die Wes-Kaap Onderwysdepartement (WKOD), in ‘n spesifieke geval, anders sou besluit. |
| 2. |
Die WKOD mag, indien omstandighede volgens sy oordeel dit regverdig, besluit om spesiale verlof vir buitegewone omstandighede aan ‘n opvoeder toe te staan of om ‘n opvoeder op spesiale verlof vir buitegewone omstandighede te plaas vir enige redelike doel en vir enige redelike tydperk. Sodanige verlof is sonder salaris, tensy die WKOD anders besluit. |
| 3. |
Spesiale verlof vir buitegewone omstandighede word nie van die opvoeder se verlofkrediete verhaal nie. |
| 4. |
Opvoeders wat om spesiale verlof vir buitegewone omstandighede aansoek doen, moet die voltooide verlofvorm en skriftelike motivering/redes vir sodanige verlof, voor die aanvang van die verlof, indien. Die toestaan van die verlof is onderhewig aan die voorafverkreë goedkeuring van die WKOD. |
| 5. |
Bring asseblief die inhoud van hierdie omsendbrief onder die aandag van alle opvoeders by u instansie/ kantoor/ direktoraat, insluitende diegene met verlof, en laat hulle dit teken en dateer. Prinsipale moet verseker dat ‘n afskrif van hierdie omsendbrief aan die voorsitter van die Skoolbeheerliggaam besorg word. |
| 6. |
Dit word aanbeveel dat u afskrifte van hierdie omsendbrief en ander omsendbriewe
met betrekking tot verlof in ‘n aparte lêer/omslag vir toekomstige gebruik/naslaandoeleindes liasseer. |
GETEKEN: J.H. HURTER
HOOF: ONDERWYS
DATUM: 2003:03:06
|