1. Spesiale verlof met volle salaris mag toegeken word vir deelname aan sport- en kulturele aangeleenthede of vir deelname aan of bywoning van ‘n relevante konferensie, vergadering of ander geleentheid wat deur die Wes-Kaap Onderwysdepartement (WKOD) vir hierdie doel goedgekeur word, sonder dat die verlof van die opvoeder se verlofkrediete verhaal word, wanneer ‘n opvoeder,
1.1 gekies word deur ‘n sportliggaam of kulturele instansie wat deur die WKOD erken word, om die land of provinsie te verteenwoordig op, of deel te neem op enige vergelykbare vlak aan,’n internasionale, nasionale, provinsiale of streeksport- of kulturele geleentheid binne of buite die Republiek.
1.2 optree as skeidsregter, amptenaar, kursus- of groepleier by ‘n sport- of kulturele geleentheid op ‘n internasionale vlak binne of buite die Republiek.
1.3 as ‘n individu, gekies of uitgenooi is om deel te neem aan ‘n sport- of kulturele geleentheid op internasionale of nasionale vlak binne of buite die Republiek.

2. Spesiale verlof sal in terme van hierdie omsendbrief vir ‘n tydperk en op voorwaardes soos deur die Hoof van Onderwys goedgekeur is, toegeken word.

3. Alle aansoeke om die bogenoemde verlof moet van relevante stawende dokumentasie bv. uitnodigings, programme, reisplan vergesel wees.

4. Bring asseblief die inhoud van hierdie omsendbrief onder die aandag van alle opvoeders in u inrigting/kantoor/direktoraat, insluitende diegene wat met verlof is, en laat hulle dit teken en dateer. Prinsipale moet verseker dat ‘n afskrif van hierdie omsendbrief aan die voorsitter van die Skoolbeheerliggaam besorg word.

5. Dit word aanbeveel dat u afskrifte van hierdie omsendbrief en ander omsendbriewe met betrekking tot verlof, in ‘n aparte lêer / omslag vir toekomstige gebruik / naslaandoeleindes liasseer.



GETEKEN: J.H. HURTER
HOOF: ONDERWYS
DATUM: 2003:03:06