Die maatreëls ten opsigte van die toestaan van spesiale verlof vir eksamendoeleindes is soos volg:

1. Spesiale verlof vir eksamendoeleindes, met volle salaris, mag aan ‘n opvoeder toegestaan word vir elke dag wat die opvoeder as ‘n kandidaat vir ‘n eksamen, wat deur die Wes-Kaap Onderwysdepartement (WKOD) vir dié doel goedgekeur is, aanmeld.

2. Ten einde vir die eksamen voor te berei, mag een addisionele dag spesiale verlof met volle salaris toegestaan word vir elke dag wat die opvoeder vir die eksamen aanmeld. Die addisionele dag/dae mag voor die eksamen benut word. Die addisionele dag/dae vir voorbereiding vir die eksamen mag nie na die datum van die eksamen benut word nie.

3. Spesiale verlof vir eksamendoeleindes word nie van die opvoeder se verlofkrediete verhaal nie.

4. Aansoeke om verlof vir eksamendoeleindes moet deur dokumentêre bewyse/ eksamenrooster vergesel word en moet ten alle tye voor die aanvang van die verlof, ingedien word. Die WKOD sal onder geen omstandighede spesiale verlof met volle betaling vir eksamendoeleindes, met volle betaling, toestaan in gevalle waar die aansoek om verlof na die aanvang van die verlof aan die hoof van die inrigting/WKOD besorg word nie. In sodanige geval sal verlof sonder salaris toegestaan word ten einde die opvoeder se afwesigheid van diens te dek.

5. Bring asseblief die inhoud van hierdie omsendbrief onder die aandag van alle opvoeders in u instansie/ kantoor/ direktoraat, insluitende diegene met verlof, en laat hulle dit teken en dateer. Prinsipale moet verseker dat ‘n afskrif van hierdie omsendbrief aan die voorsitter van die Skoolbeheerliggaam besorg word.

6. Dit word aanbeveel dat u afskrifte van hierdie omsendbrief en ander omsendbriewe met betrekking tot verlof in ‘n aparte lêer/omslag vir toekomstige gebruik/naslaandoeleindes liasseer.



GETEKEN: J.H. HURTER
HOOF: ONDERWYS
DATUM: 2003:03:06