Die maatreëls rakende die toekenning van familie-verantwoordeliheidsverlof en spesiale verlof vir dringende privaatsake is as volg:

1. ‘n Opvoeder sal ‘n maksimum van 3 werksdae, met volle betaling, per jaarlikse verlofsiklus toegestaan word, indien:
1.1 sy gade of lewensmaat geboorte skenk; of
1.2 sy of haar kind, gade of lewensmaat siek is.

2. ‘n Opvoeder sal ‘n maksimum van 5 werksdae met volle salaris per jaarlikse verlofsiklus, toegestaan word, indien:
2.1 die opvoeder se kind, gade of lewensmaat te sterwe kom; of
2.2 iemand in die opvoeder se onmiddellike familie te sterwe kom.

3. Dit word van die opvoeder verwag om dokumentêre bewyse ter stawing van die bovermelde gebeure waarvoor die verlof benodig word, in te dien.

4. ‘n Inrigtinggebaseerde opvoeder mag gedurende ‘n geskeduleerde werkstydperk spesiale verlof met volle salaris toegestaan word om te sien na ‘n dringende private aangeleentheid waarvan die aard sodanig is dat dit die opvoeder se afwesigheid van diens noodsaak.

5. Die totale aantal dae wat volgens paragrawe 1, 2 en 4 van hierdie omsendbrief benut kan word, mag nie twaalf (12) werksdae in ‘n jaarlikse verlofsiklus oorskry nie..

6. ‘n Opvoeder wat sy of haar familie-verantwoodelikheidsverlof en/of spesiale verlof vir dringende privaatsake uitgeput het, mag aansoek doen om:
6.1 sy of haar jaarlikse verlof te benut; en/of
6.2 onbetaalde verlof tot ‘n maksimum van 184 kalenderdae. (Die maatreëls met betrekking tot die toestaan van verlof sonder salaris word in ‘n aparte omsendbrief vervat).

7. Die aantal dae toegeken vir familie-verantwoordelikheidsverlof en spesiale verlof vir dringende privaatsake mag nie opgehoop word nie. Dit word nie van die opvoeder se opgehoopte verlof verhaal nie.

8. Opvoeders moet asseblief kennis neem dat die maksimum aantal dae hierbo aangedui, ten opsigte van die jaarlikse verlofsiklus is en nie per geleentheid nie.

9. Bring asseblief die inhoud van hierdie omsendbrief onder die aandag van alle opvoeders, insluitende diegene met verlof, en laat hulle dit teken en dateer. Prinsipale moet verseker dat ‘n afskrif van hierdie omsendbrief aan die voorsitter van die Skoolbeheerliggaam besorg word.

10. Dit word aanbeveel dat u afskrifte van hierdie omsendbrief en ander omsendbriewe met betrekking tot verlof, in ‘n aparte lêer / omslag vir toekomstige gebruik / naslaandoeleindes liasseer.


GETEKEN: J.H. HURTER
HOOF: ONDERWYS
DATUM: 2003:03:06