1. Die Wes-Kaap Onderwysdepartement (WKOD) het in konsultasie met die werknemerspartye binne die Raad op Arbeidsverhoudinge in die Onderwys (RAVO), provinsiale spesifieke verlofbeleidsmaatreëls vir opvoeders ontwikkel binne die raamwerk van Resolusie 7 van 2000 van die Staatsdiens Ko-ördinerings Bedingingsraad (SDKBR) en Resolusie 7 van 2001 van RAVO.

2. Die volgende departementele beleidsdokumente is ontwikkel:
2.1 Jaarlikse verlofmaatreëls: Inrigtinggebaseerde opvoeders
2.2 Benutting van jaarlikse verlof: Kantoorgebaseerde opvoeders
2.3 Toekenning en benutting van siekteverlof: Kantoor- en inrigtinggebaseerde opvoeders
2.4 Toekenning en benutting van bevallings- en aannemingsverlof: Kantoor- en inrigtinggebaseerde opvoeders
2.5 Toekenning en benutting van familieverantwoordelikheidsverlof: Kantoorgebaseerde opvoeders
2.6 Toekenning en benutting van familieverantwoordelikheidsverlof en spesiale verlof vir dringende privaatsake: Inrigtinggebaseerde opvoeders
2.7 Toekenning van spesiale verlof vir professionele en persoonlike ontwikkeling en vir godsdienstige waarneming: Inrigtinggebaseerde opvoeders
2.8 Toekenning van spesiale verlof vir studiedoeleindes: Kantoor- en inrigtinggebaseerde opvoeders
2.9 Toekenning van spesiale verlof vir eksamendoeleindes: Kantoor- en inrigtinggebaseerde opvoeders
2.10 Benutting van spesiale verlof vir deelname aan sport-, kulturele en ander geleenthede: Kantoor- en inrigtinggebaseerde opvoeders
2.11 Toekenning van spesiale verlof vir buitengewone omstandighede: Kantoor- en inrigtinggebaseerde opvoeders
2.12 Toekenning en benutting van onbetaalde verlof: Kantoor- en inrigtinggebaseerde opvoeders

3. Die Nasionale Departement van Onderwys het ingevolge 'n RAVO-besluit van 12 November 2002 en in samewerking met werknemerspartye binne RAVO, 'n verlofhandleiding (Bylae A) rakende die implementering van die verlofmaatreëls vir opvoeders binne die raamwerk van Resolusie 7 van 2000 van die SDKBR en Resolusie 7 van 2001 van RAVO ontwikkel. Die provinsiale spesifieke verlofbeleidsdokument (omsendbriewe) van die WKOD moet saam met die nasionale verlofhandleiding gelees word. Indien die provinsiale spesifieke verlofbeleidsmaatreëls van die WKOD in konflik met die nasionale verlofhandleiding is, sal die bepalings van die Nasionale Departement van Onderwys se verlofhandleiding geld. Die Nasionale Departement van Onderwys se verlofhandleiding is tans net beskikbaar in Engels.

4. Direkteure/Toesighouers/Prinsipale word versoek om die inhoud van hierdie omsendbrief onder die aandag van alle opvoeders, insluitende diegene wat met verlof is, te bring en hulle te versoek om die omsendbrief te teken en te dateer. Hoofde van inrigtings moet ook verseker dat ‘n afskrif van hierdie omsendbrief ter inligting aan die voorsitter van die skoolbeheerliggaam/raad gegee word.


GETEKEN: J.H. HURTER
HOOF: ONDERWYS
DATUM: 2003:03:06


Die dokumente, waarna verwys word as bylaes by die omsendbrief, word nie aangeheg nie maar is as drukstukke beskikbaar.