1. Die Nasionale Minister van Onderwys het bepaal dat die nuwe verlofmaatreëls met ingang van 01 Januarie 2002 ‘n aanvang neem. Hierdie nuwe verlofmaatreëls implementeer ‘n nuwe dispensasie, spesiaal in terme van inrigtinggebaseerde opvoeders. Ten einde die verlof van opvoeders effektief te bestuur, sal die volgende reëlings vir die jaarlikse verlof geld.

2. ‘n Opvoeder behou alle verlofkrediete wanneer hy of sy binne ‘n departement of tussen staatsdepartemente sonder onderbreking van diens is, sowel as alle opgehoopte verlof voor 31 Desember 2001.

3. ’n Verlofsiklus verwys na ‘n periode van 12 maande wat op 1 Januarie van elke jaar begin.

4. ‘n Opvoeder word nie op verlof geag indien sy of hy:
4.1 as ‘n getuienis moet verskyn -
4.1.1 in ‘n wangedragsaak of ‘n wangedrag ondersoek ingevolge die een of ander wet;
4.2.2 by ‘n ondersoek saak;
4.2.3 voor ‘n kommissie of komitee van ondersoek deur die Staat aangestel of voor ‘n komitee of ‘n instansie wat in terme van ‘n wet aangestel is;
4.2.4 in enige hof;
4.2 as verweerder of mede-verweerder in ’n sivielehofsaak wat voortspruit uit hom of haar ampspligte en waarby die Staat of enige statutêre instelling direkte belang het;
4.3 wanneer hy of sy in hegtenis geneem is of voor die hof op ‘n strafregtelike aanklag moet verskyn en later vrygespreek of die aanklag teruggetrek word; of
4.4 aan ‘n onderrigprogram soos deur die werkgewer of professionele liggaam vereis bywoon of deelneem of waar hy of sy vereis word om te registreer ten einde om geregistreerd te bly; en om met die werkgewer se goedkeuring ‘n onderrigprogram of enige ander aktiwiteite waarby die werkgewer ‘n belang het, bywoon of deelneem.

5. DIE JAARLIKSE VERLOF WAAROP INRIGTINGGEBASEERDE OPVOEDERS GEREGTIG IS, IS AS VOLG:
5.1 ‘n Inrigtinggebaseerde opvoeder word op verlof geag gedurende die tydperk waartydens inrigtings gesluit is en buite die geskeduleerde werktyd is, op voorwaarde dat die maatreëls rakende die werk, pligte en verantwoordelikhede van opvoeders vereis dat so ‘n opvoeder die normale pligte soos die voorbereiding van die nuwe skooltermyn of die nasien van interne eksamenskrifte, gedurende hierdie tydperk moet verrig. So ‘n opvoeder word nie verlang om by enige werksplek te rapporteer om enige van die pligte af te handel nie.
5.2 Indien ‘n inrigtinggebaseerde opvoeder amptelik aangestel word om oortyd pligte gedurende die tydperk waartydens inrigtings gesluit is te verrig, hy of sy addisioneel in terme van die maatreëls in Hoofstuk D of E van die PAM vergoed word. Die betaling van oortyd vir die kategorieë van pligte is op voorwaarde dat die toesighoudende pligte by hostels, onderrig (soos byvoorbeeld winter skole), publieke eksamen verbandhoudende pligte en onderrig toesighoudende pligte by spesiale skole met leerlinge wat in terme van die Kindersorgwet verwys is. Die aanstelling van ‘n opvoeder oor enige van die kategorieë vir oortydbesoldiging moet skriftelik wees en deur die Wes-Kaapse Onderwysdepartement(WKOD) goedgekeur word. Alhoewel ‘n opvoeder wat enige vrywillige diens verrig, sal nie vir enige addisionele besoldiging kwalifiseer nie.

6. JAARLIKSE OPGEHOOPTE VERLOF VOOR 1 JULIE 2000 EN GEDURENDE DIE TYDPERK 1 JULIE 2000 TOT 31 DESEMBER 2001.
6.1 Opvoeders sal alle ge-ouditeerde opgehoopte verlof voor 1 Julie 2000 behou.
6.2 ‘n Inrigtinggebaseerde opvoeder kan 5 (vir die periode 1 Julie 2000 tot 31 Desember 2000) en 10 (vir die periode 1 Januarie 2001 tot 31 Desember 2001) werksdae verlof onderskeidelik ophoop of ‘n pro-rata getal bereken op een twaalfde van die volle jaar (10 werksdae) vir elke voltooide jaar van diens.
6.3 Enige van dié verlofdae wat nie deur sulke opvoeders sedert 1 Julie 2000 benut is nie, sal by die aantal opgehoopte verlof voor 1 Julie 2000 gevoeg word.
6.4 Die betaling van verlofkrediete sal slegs geskied in geval van:
6.4.1 Sterfte;
6.4.2 Aftrede, insluitende vervroegde aftrede; of
6.4.3 uitdienstrede weens swak gesondheid.

7. Die Hoof van Onderwys sal bepaal die tydperk van die bestaande ongeouditeerde verlof en in sulke gevalle sal die opvoeder se verlof betaal word op die basis van 6 dae vir elke voltooide jaar van diens tot ‘n maksimum van 100 dae in geval van die ongeouditeerde verlof periode.

8. NOMINASIE VAN BEGUNSTIGDES EN VERLOFUITBETALINGS
8.1 ‘n Opvoeder mag een of meer begunstigdes benoem aan wie hul verlofkrediete in die geval van sterfte uitbetaal word. Vorm WP1002 moet vir hierdie doeleindes gebruik word.
8.2 Indien ‘n opvoeder ter sterwe kom en nie ‘n begunstigde genomineer het nie, mag die verlofkrediete uitbetaal word:
8.2.1 Ten volle aan die eggenoot/ lewensmaat van die opvoeder; of
8.2.2 Indien daar geen eggenoot/ lewensmaat is nie, in gelyke aandele vir die voordeel van die minderjarige en die ander kinders (ingesluit die wettige aangenome kinders) van die oorledene wie by tye van hom of haar sterfte, ten volle van die opvoeder afhanklik was; of
8.2.3 Indien daar geen kinders is nie, aan die opvoeder se boedel.

9. ALGEMEEN
9.1 Bring asseblief die inhoud van hierdie omsendbrief onder die aandag van alle opvoeders, insluitende diegene met verlof, en laat hulle dit teken en dateer. Prinsipale moet verseker dat ‘n afskrif van hierdie omsendbrief aan die voorsitter van die skoolbeheerliggaam besorg word.
9.2 Dit word aanbeveel dat u afskrifte van hierdie omsendbrief en ander omsendbriewe met betrekking tot verlof, in ‘n aparte lêer / omslag vir toekomstige gebruik / naslaandoeleindes liasseer.


GETEKEN: J.H. HURTER
HOOF: ONDERWYS
DATUM: 2003:03:06