Die volgende toevoeging ten opsigte van vakaturelyste vir Staatsdienspersoneel (PS 1/2003 tot PS 6/2003) paragraaf 1.3, moet kennis van geneem word, asseblief:

Aansoekers wat alreeds op `n hoër vlak as die geadverteerde poste is (bv. Senior Huishoudingstoesighouer wat aansoek doen vir poste van Huishoudingstoesighouer), mag aansoek doen en oorweeg word om met behoud van hul huidige salaris horisontaal verplaas te word. (Sien ook paragraaf 4.3 van die Vakaturelyste). Aansoekers in ander beroepsklasse, bv. Senior Huishoudingstoesighouer of Huishoudingstoesighouer wat aansoek doen vir poste van Huishoudingshulp (waar daar geen mobiliteit tussen die posklasse bestaan nie) sal egter nie op dieselfde vlak oorgeplaas kan word nie en sal moet instem tot `n verlaging in salaris, soos geadverteer.

Daar moet ook kennis geneem word dat alhoewel `n pos geadverteer is, die proses van absorbering van personeel wat botallig is in gepaste vakatures, nog steeds voortgaan. Die plasing van `n advertensie beteken dus nie dat die vulling van daardie pos deur die WKOD goedgekeur sal word indien `n botallige persoon daarin geabsorbeer is/ kan word nie. So `n pos sal as foutiewelik geadverteer beskou word.

NEEM KENNIS ASSEBLIEF:

1. Die sluitingsdatum vir die bogemelde poste is uitgestel tot 31 Maart 2003.

2. Die lys van vakatures bevat in Vakaturelys PS 1/2003 is oop vir alle permanente Staatsdienspersoneel binne die WKOD, wat aan die kwalifiserende vereistes voldoen. Personeel wat botallig is, sal egter voorkeur kry by die finale oorweging van aanstelling. Dit sluit in botallige personeel in laer range wat aan die kwalifiserende vereistes voldoen, bv. Algemene Assistente, Huishoudingshulpe & Sekuriteitpersoneel.

GETEKEN: G.J. ELLIOTT
HOOF: ONDERWYS
DATUM: 2003:03:12