1. Die nasionale Departement van Onderwys en die nege provinsiale onderwys-departemente, in samewerking met Eerste Nasionale Bank sal weereens die Tirisano Skoolkooreisteddfod vir primêre- en sekondêre skole in 2003 reël.
2. Die eisteddfod maak voorsiening vir die volgende afdelings:
  1. Graad R - 2
  2. Graad R - 4
  3. Graad 5 - 7
  4. Graad 8 en 9
  5. Graad 10 - 12
3. Die eisteddfod maak voorsiening vir voorgeskrewe solo’s, duette, trio's en kwintette, sowel as een- en meerstemmige koorwerke. Die nasionale loodskomitee, ‘n sub-komitee van HODKOM het musiek vir die senior primêre-, junior- en senior sekondêre skole voorgeskryf. Kore wat nie aan die kategorieë vir die voorgeskrewe musiek wil deelneem nie, mag liedere van hul eie keuse voordra.
4. OBOS-uitdunrondtes sal gedurende April en Mei plaasvind. Die beste kore en soliste sal na die provinsiale eindronde genooi word. Die provinsiale eindronde sal vanaf 29 Mei tot 1 Junie 2003 plaasvind.
5. Die wenkore en -soliste van elke provinsie sal genooi word om hul onderskeie provinsies by die nasionale eindronde te verteenwoordig. Die nasionale eindronde sal vanaf 10 to 13 Julie 2003 in Johannesburg gehou word.
6. Alle skoolkore word uitgenooi om aan hierdie eisteddfod deel te neem. Die reëls vir deelname en die voorgeskrewe musiek is by u OBOS verkrygbaar.
7. Deelname aan die eisteddfod is gratis en daar word nie van skole vereis om enige registrasie- of affliliasiegeld te betaal nie. Skole moet egter hul eie vervoerkoste na die OBOS-uitdunrondtes betaal. Die WKOD mag die vervoerkoste na die provinsiale eindronde susidieer. Die nasionale Departement van Onderwys sal alle reis- en verblyfkoste van kore en soliste wat na die nasionale eisteddfod genooi word, betaal.
8. Dit sal waardeer word indien die inhoud van hierdie omsendbrief onder die aandag van alle belanghebbendes gebring kan word.

GETEKEN: P.A. VINJEVOLD
HOOF: ONDERWYS
DATUM: 2003:02:13