1. Aangeheg is die Deurlopende Assesseringsriglyne vir graad 7, 8 en 9 (sien Omsendbrief 0155/2002). Die riglyne, wat in ooreenstemming is met dié van die nasionale Departement van Onderwys, dien om kontinuïteit in assessering binne die Senior Fase van die Algemene Onderwys- en Opleidingsband te bring.
2. OBOS-kurrikulumpersoneel sal skole ondersteun met hierdie riglyne wat vanjaar (2003) geïmplementeer moet word.
3. Die dokumente is op so ’n wyse gebind dat elke boekie generiese riglyne (Afdeling A) sowel as leerarea-spesifieke riglyne (Afdeling B) bevat. Prinsipale en opvoeders word versoek om hulleself te vergewis van die riglyne, en in die besonder van die generiese afdeling.
4. Belangrike elemente om te onthou, is die volgende:
4.1 Beplanning moet begin met die uitkomste van die leerarea. Aandag moet ook gegee word aan die vorms van assessering en assesseringsinstrumente wat in ’n spesifieke leerprogram gebruik moet word.
4.2 Vorme van assessering: Alle leerders moet in ten minste vyf verskillende vorms van assessering in elke leerarea geassesseer word. Opvoeders moet seker maak watter vorms van assessering in hulle leerareas vereis word. Een beste voorbeeld van elke vorm moet gebruik word vir optekenings- en modereringsdoeleindes. Opvoeders moet egter verseker dat assessering dwarsdeur die jaar deurlopend en toepaslik geskied aangesien dit onderrig en leer sal beïnvloed en ondersteun.
4.3 Optekening: in punte en persentasies
4.4 Verslagdoening: in vlakbeskrywerkodes volgens die volgende nasionale koderingstelsel: 
VLAKKODE     VLAKBESKRYWER         PERSENTASIES

    1          Nie bereik nie            0% tot 34%

    2          Gedeeltelik bereik       35% tot 39%

    3          Bereik                   40% tot 69%

    4          Uitstaande of
               uitstekende prestasie    70% en hoër
			   










4.5 

Die optekening- en verslagdoeningskale van NY-5 en 1-10 (sien Omsendbrief 136/2000) sal vanaf Januarie 2003 in die Senior Fase afgeskaf word.








5. 
Bring asseblief die inhoud van hierdie omsendbrief onder die aandag van alle betrokkenes, insluitende opvoeders, ouers en leerders.








6. 
Navrae rakende die inhoud van hierdie omsendbrief kan gerig word aan direkteure en hoofkurrikulumadviseurs verbonde aan OBOS’e.








GETEKEN:  P.A. VINJEVOLD

HOOF: ONDERWYS

DATUM:  2003:01:13

















Die dokumente, waarna verwys word as bylaes by die omsendbrief, word nie aangeheg nie maar is as drukstukke beskikbaar.