| 1. |
U aandag word gevestig op ‘n artikel in die media waarin pensioentrekkers ingelig is dat daar ‘n surplus in die pensioenfonds ontstaan het as gevolg van die Pensioenfondswysigingswet, Wet 39/2001 en dat hierdie surplus onder lede en oudlede van die fonds verdeel sou word. |
| 2. |
Nadat verskeie navrae ontvang is, wil die Wes-Kaap Onderwysdepartement hiermee bevestig dat bogenoemde Wet nie van toepassing is op fondse wat nie ingevolge die Pensioenfondswet geregistreer is nie. Staatsdienswerknemers is lede van die Regeringswerknemerspensioenfonds wat beheer word deur die Regeringswerknemerspensioenwet van 1996 en is dus uitgesluit van die voordele waarna daar in die artikel verwys word. |
| 3. |
U word dringend versoek om die inhoud van hierdie omsendbrief onder die aandag van alle personeellede te bring. |
| 4. |
U samewerking sal waardeer word. |
GETEKEN: J.H. HURTER
HOOF: ONDERWYS
DATUM: 2003:03:12
|