1. Die periode vir die implementering van die Raamwerkooreenkoms: Oordrag en herstrukturering van die Staatsdiens (SDKBR-Resolusies 7 en 8 van 2002) loop ten einde op 13 Junie 2003, maar kan moontlik vir 3 maande verleng word.
2. Alle onderwysinrigtings het al hulle goedgekeurde personeeldiensstate vir 2003 ontvang, waarvolgens daar nou van hulle verwag word om vas te stel watter pos(te) en opvoeder(s) botallig is.
3. Waar 'n onderwysinrigting sy goedgekeurde diensstaat oorskry, d.w.s. waar daar meer permanente opvoeders by die inrigting is as wat op die goedgekeurde diensstaat aangedui word, moet so 'n inrigting 'n proses aan die gang sit om te verklaar watter pos(te) en opvoeder(s) botallig is volgens die aangehegte prosedure.
4. Tydens 'n vergadering van die Departementele Taakspan op 25 Februarie 2003 is daar ooreengekom oor die prosedure vir die botalligverklaring van opvoeders.
5. Die prosedure sal die Wes-Kaap Onderwysdepartement in staat stel om sy verpligtinge teenoor hierdie botallige opvoeders na te kom ooreenkomstig die bepalings in die raamwerkooreenkoms, nl.
  • Alternatiewe indiensnemingsmeganismes (bv. pas en plasing) vir werknemers wat botallig is
  • Die herontplooiing en heropleiding van personeel
  • Die adverteer van poste in geslote vakaturelyste
  • Die ontwikkeling van sektorale posteskeppingstrategieë binne sektorale rade
  • 'n Skeidingspakket op aanvraag
  • 'n Skeidingspakket vir werknemers/personeel wat nie herontplooi kan word nie.

    		•
    6. Aangeheg is dokumentasie rakende die bogenoemde:

  • Prosedure vir botalligverklaring
  • Pro forma-brief vir botallige opvoeders
  • Pro forma-opvoedersprofiel

    		•
    7. Ter wille van volledigheid moet hierdie omsendbrief saamgelees word met Omsendbrief 0116/2002 en 0008/2003 van 19 September 2002 en 8 Januarie 2003 onderskeidelik.
    8. Alle partye word versoek om te help en ondersteuning te bied aan die implementering van die raamwerkooreenkoms, aangesien die sukses hiervan afhang van die samewerking van werkgewers, beheerliggame en rade van onderwysinrigtings.

    Hoofde van onderwysinstellings word versoek om die inhoud van hierdie omsendbrief onder die aandag van al hulle personeellede te bring en hulle te versoek om ontvangs te parafeer en te dateer.


    GETEKEN: E.M. SOUTHGATE
    HOOF: ONDERWYS
    DATUM: 2003:03:10

    Prosedure vir botalligverklaring  (grootte: 39 KB) ;  Pro forma-brief vir botallige opvoeders  (grootte: 20 KB) ;
    Pro forma-opvoedersprofiel  (grootte: 31 KB)