| 1. |
Die Wes-Kaap Onderwysdepartement (WKOD), in samewerking met die Universiteit van Wes-Kaapland (UWK), en onder die vaandel van die nasionale Departement van Onderwys, bied aan provinsiale en kantoorgebonde opvoeders by OBOS’e, senior bestuurspanne van skole, en skoolgebaseerde opvoeders (by hoër- of laerskole) die geleentheid om te registreer vir bogemelde kursus. |
| 2. |
Hierdie tweejaarkursus sal aangebied word as residensiële deeltydse studie en suksesvolle aansoekers sal van uitgebreide hulpbronne en leesmateriaal voorsien word. Kontaktyd vir lesings sal laat namiddag of saans wees, en bloktydperke sal gedurende naweke en skoolvakansies gereël word. Gedurende die tye wanneer daar geen lesings aangebied word nie, sal lektore deurlopend ondersteuning bied deur middel van telefoononderhoude, e-pos of voorafgereëlde persoonlike afsprake. Ondersteuning sal ook op die perseel aangebied word in die geval van modules wat ‘n direkte praktiese toepassing vereis. |
| 3. |
Slegs permanent aangestelde opvoeders met ‘n minimum kwalifikasie van M+3 kan aansoek doen. |
| 4. |
Hierdie GOS-kwalifikasie sal lei tot ‘n M+4-kwalifikasie of spesialisering in die integrering van waardes en menseregte in die kurrikulum. Dit is gelykstaande aan 120 kredietpunte op NKR-vlak 6, met spesialisering in menseregte. |
| 5. |
Verdere inligting rakende die inhoud van die kursus kan verkry word by prof. J.M. Smith, Fakulteit Opvoedkunde, Universiteit van Wes-Kaapland, Privaatsak X17, Bellville, 7535. Kontaknommers: Telefoon (021) 959 2485; faks (021) 959 3358; e-pos jmsmith@uwc.ac.za.
|
| 6. |
Die aangehegte aansoekvorm, Bylae A, moet nie later nie as 28 Maart 2003 by die Hoofkurrikulumadviseur van u OBOS ingedien word. Laat aansoeke sal nie oorweeg word nie. Die Universiteit van Wes-Kaapland sal in verbinding tree met suksesvolle aansoekers. |
| 7. |
Onderrig- en registrasiegelde, asook verblyfuitgawes tydens bona fide kontakonderrig, sal deur die nasionale Departement van Onderwys betaal word. |
| 8. |
Hoofkantoor en OBOS-beamptes moet eers met hulle beheerbeamptes beraadslag vir toestemming. |
GETEKEN: P.A. VINJEVOLD
HOOF: ONDERWYS
DATUM: 2003:02:28
|