| 1.1 |
|
Veranderinge aan die puntetoewysing
Om die DASS-punte van Rekenaarstudie in ooreenstemming te bring met die nasionale vereistes, sal die volgende veranderinge vanaf 2003 geld:
Vraestel 1: Teorie 160 punte
Vraestel 2: Eksterne praktiese vraestel 80 punte
Vraestel 3: Projek/Portefeulje 60 punte
Vraestel 4: DASS 100 punte
TOTAAL: 400 punte
Die DASS-punte sal soos volg saamgestel word:
Navorsingsprojek 20
Teorie Junie en September formele eksamens 15
Ten minste 3 klastoetse (1 per kwartaal) 5
Prakties: Ten minste twee klastoetse oor elk van die volgende:
Bedryfstelsel 5
Nutspakkette 5
Excel 10
Access (ontwerp en manipulasie van ‘n databasis) 5
Programmering (‘n verskeidenheid onderwerpe
moet getoets word) 10
Programmeringsvrae in formele eksamens 25
---
TOTAAL 100
* Die punte wat hierbo gegee word, is die finale gewigte en is nie ‘n aanduiding van die punte wat aan elke toets/formele eksamen toegeken moet word nie. Die punte vir die toetse en formele eksamens moet in elke geval aangepas word by die punte wat hierbo aangetoon word. Byvoorbeeld, ‘n kandidaat wat 32 uit 40 punte (of 80%) vir ‘n klastoets oor Access behaal, se punt moet aangepas word na 80% van 5, d.w.s. 4 punte.
|
| 1.2 |
|
Veranderinge aan die inhoud van die teorie- en eksterne praktiese eksamenvraestelle
Vraestel 1 (Teorievraestel)
Om verskeie redes is Binêre Logika uitgelaat uit die nuwe vak Rekenaarwetenskap. Dit beteken dat daar nie in toekomstige eksamenvraestelle ‘n vraag oor Binêre Logika sal wees nie. Dit beteken egter nie dat die onderwerp nie meer onderrig moet word nie aangesien aspekte soos waarheidstabelle van die “AND-”, “OR-” en “NOT”-operateure benodig word vir seleksienavrae in databasisse, in voorwaardelike formattering van sigblaaie en in seleksiestellings in programmering. Die vermindering van 40 in die totale getal punte vir hierdie vraestel kan hoofsaaklik toegeskryf word aan die weglating van die vraag oor Binêre Logika en die vermindering van die punt vir ‘n veelkeusevraag van 3 tot 2. Die vraestel sal ‘n 3-uur-vraestel bly.
Vraestel 2 (Eksterne praktiese vraestel)
Die eksterne praktiese vraestel sal steeds vrae oor programmering insluit, maar sal ook nou ‘n vraag oor die databasistoepassingspakket bevat. Aanvanklik sal hierdie vraag van dieselfde aard wees as die moeiliker databasisvraag vir Rekenaarstudie SG, d.w.s. gegee ‘n databasis, manipuleer die data, onttrek rekords, doen navrae, ontwikkel verslae, ens.
|
| 1.3 |
|
Eksterne praktiese eksamen - verandering van datums
Die praktiese eksamen sal nou gedurende die amptelike eksamentydperk afgeneem word en nie gedurende die derde kwartaal soos in die verlede nie. Dit sal nog steeds by die skole nagesien word, maar dit sal nou vir opvoeders moontlik wees om
dit te doen gedurende tye wanneer hulle normaalweg hulle graad 12-klasse sou onderrig.
|
| 1.4 |
|
Java-programmering vir die praktiese eksamen
Aangesien die eerste eksterne eksamen in Java in 2003 geskryf sal word, MOET die volgende Java-programmeringsomgewing gebruik word:
| Java IDE: |
Ready to program
Sentrums mag enige IDE van hulle keuse gebruik, maar daar sal in die eksterne eksamen aanvaar word dat Ready gebruik is.
|
| Class libraries: |
hsa.*
Die “hsa class library” word saam met Ready voorsien en bevat ‘n paar standaard roetines wat programmering fasiliteer. Die “HSA Console Application boilerplate” moet dus verkieslik bo die “Application boilerplate” gebruik word. In die “boilerplate” moet die “hsa.console” verander word na hsa.* sodat al die hsa-klasse gebruik kan word.
|
| Java version: |
jdk1.3
U moet JDK1.3 in die verstekgids installeer en dan die “preferences” in Ready verander sodat JDK1.3 gebruik kan word.
Om dit onder <File>, <Preferences>, <Java>, in Ready, te doen, verander soos volg:
"Alternate Java DLL" na c:\jdk1.3\jre\bin\classic\jvm.dll
"Alternate Class Library" na c:\jdk1.3\jre\lib\rt.jar
|
|
| 2.1 |
|
Paragraaf 1.2, 1.3 en 1.4 van HG is ook van toepassing op die programmeringsmodule in SG. |
| 2.2 |
|
Die puntetoewysing vir SG bly soos dit was.
Vraestel 1: Teorie 100 punte
Vraestel 2: Eksterne praktiese vraestel 75 punte
Vraestel 3: Projek/Portefeulje 50 punte
Vraestel 4: DASS 75 punte
TOTAAL 300 punte
Die DASS-punte sal soos volg saamgestel word:
TOEPASSINGS- PROGRAM-
PAKKETTE MERING
Bedryfstelsel (deurlopende evaluering) 10 10
Nutspakkette (deurlopende evaluering) 10 10
Teorie Formele eksamens (Junie en Sept.) 10 10
Ten minste 3 klastoetse (een per
kwartaal) 5 5
Prakties: Formele eksamenvrae oor
WORD 6
EXCEL 6
ACCESS 6 8
OPSIONELE PAKKET 6
PROGRAMMERINGSVRAE 16
Minstens een klastoets oor elk van die volgende
(versprei oor die eerste 3 kwartale)
WORD 4
EXCEL 4 4
ACCESS 4 4
OPSIONELE PAKKET 4
PROGRAMMERINGSVRAE (twee toetse) 8
-- --
TOTAAL 75 75
* Die punte wat hierbo gegee word, is die finale gewigte en is nie ‘n aanduiding van die punte wat aan elke toets/formele eksamen toegeken moet word nie. Die punte vir die toetse en formele eksamens moet in elke geval aangepas word by die punte wat hierbo aangetoon word. Byvoorbeeld, ‘n kandidaat wat 30 uit 40 punte (of 75%) vir ‘n klastoets behaal, se punt moet aangepas word na 75% van 4, d.w.s. 3 punte.
|
| 2.3 |
|
Eksterne praktiese eksamen
Die praktiese eksamen sal nou gedurende die amptelike eksamentydperk afgeneem word en nie gedurende die derde kwartaal soos in die verlede nie. Dit sal nog steeds by die skole nagesien word, maar dit sal nou vir opvoeders moontlik wees om dit te doen gedurende tye wanneer hulle normaalweg hulle graad 12-klasse sou onderrig.
Die vraestel sal soos volg saamgestel word:
Afdeling A - Basiese funksies van Word, Excel en Access (40 punte)
Afdeling B - Gevorderde funksies van Word, Excel en Access (35 punte)
Afdeling C - Java-programmering (35 punte)
Afdeling D - Pascal-programmering (35 punte)
Alle kandidate moet Afdeling A en slegs een van die ander afdelings beantwoord.
|
GETEKEN: P.A. VINJEVOLD
HOOF: ONDERWYS
DATUM: 2003:02:21
|