|
Afskrifte van twee dokumente wat onderskeidelik oor bogemelde aangeleenthede ontvang is, gaan hierby vir u persoonlike inligting en bewaring. U word versoek om u asseblief deeglik op die hoogte te bring met die inhoud van gemelde dokumente, aangesien daar van u verwag sal word om sekere aksies, wat breedvoerig in die dokumente bespreek word, uit te voer. BESOLDIGINGSPAKKET Die belangrikste in hierdie stadium is om u pakketverdeling gereed te kry en om die samestelling- en salarisadviesgedeelte daarvan so spoedig moontlik, verkieslik voor of op 24 Januarie 2003 (soos ook gemeld in `n onlangse E-pos boodskap in hierdie verband), aan die Personeelkantoor, me Marshall in lokaal 10-13, voor te lê sodat die korrekte salarisbetaling- en aftrekkingsbesonderhede op die rekenaar ingevoer kan word. Ten einde u te help om u netto salaris te bereken, word u verwys na `n model (spreikaart) wat op DPSA se webwerf (http://www.dpsa.gov.za) verskyn. NUWE PRESTASIEBESTUUR- EN ONTWIKKELINGSTELSEL Bestudeer asseblief hierdie dokument in die tussentyd. U bestaande Prestasie-ooreenkoms moet aangepas word en verdere inligting sal binnekort aan u verskaf word. Baie dankie vir u samewerking in hierdie verband. GETEKEN: J.H. HURTER |