| 1. |
Die ampstermyn van alle beheerliggame van openbare skole wat gedurende 2000 ingevolge die Maatreëls betreffende Beheerliggame vir Openbare Skole uitgevaardig kragtens die Suid-Afrikaanse Skolewet, 1996 (Wet 84 van 1996), soos gewysig, verkies of saamgestel is, sal gedurende die jaar 2003 verstryk. |
| 2. |
Die ampstermyn van ‘n beheerliggaam strek oor drie jaar, beginnend vanaf die datum van die beheerliggaam se eerste vergadering na die verkiesing. |
| 3. |
OBOS-direkteure en prinsipale van openbare skole word versoek om aan die hand van die bogemelde Maatreëls en die Departementele Handleiding in dié verband vroegtydig reëlings te tref vir die verkiesing van nuwe beheerliggame. |
| 4. |
Die WKOD beoog om weereens prinsipale as kiesbeamptes op te lei ten einde die verkiesingsproses vlot te laat verloop en hulle in staat te stel om die verkiesing op ‘n suksesvol wyse te hanteer. Hierdie opleiding sal op 10 Maart 2003 ‘n aanvang neem. Die opleidingsprogram sal mettertyd beskikbaar gestel word. |
| 5. |
Die gewysigde Maatreëls, gepubliseer in Buitengewone Provinsiale Koerant no. 5946 gedateer 31 Januarie 2003, en is onder dekking van Omsendbrief 24/2003 aan skole voorsien. Prinsipale word versoek om hierdie Maatreëls en die gewysigde Handleiding vir die verkiesing van Beheerliggame saam te bring na die opleidingssessies. |
| 6. |
Die Wes-Kaap Onderwysdepartement wil graag die huidige lede van beheerliggame bedank vir die onbaatsugtige diens wat hulle in belang van die onderwys lewer. |
GETEKEN: J.H. LYNERS
HOOF: ONDERWYS
DATUM: 2003:02:28
|