| 1. |
Die beheerliggame van openbare skole, onafhanklike skole en rade van tegniese kolleges wat nominasies ingedien het vir moontlike aanstelling in die Onderwysraad vir die Wes-Kaapprovinsie word bedank vir hulle belangstelling en samewerking. |
| 2. |
U aandag word daarop gevestig dat die instelling en samestelling van ‘n Onderwysraad vir die Wes-Kaapprovinsie steeds voortgaan. |
| 3. |
Die Wes-Kaap Onderwysdepartement is tans egter besig om die regulasies rakende die Onderwysraad te heroorweeg, veral ten opsigte van die Raad se funksies. Sodra dit afgehandel is, sal daar met die aanstellingsproses van lede voortgegaan word. |
| 4. |
U sal op die hoogte gehou word van verdere verwikkelinge. |
| 5. |
Bring asseblief die inhoud van hierdie omsendbrief onder die aandag van voorsitters van beheerliggame en alle ander belanghebbendes. |
GETEKEN: R.B. SWARTZ
HOOF: ONDERWYS
DATUM: 2003:02:19
|