Hoofde van inrigtings word versoek om op die volgende te let:
| 1. |
Benoemings ten opsigte van die vul van vakante substantiewe poste met ingang van 1 Januarie 2004, word ingewag. Die Wes-Kaap Onderwysdepartement (WKOD) het nou besluit dat vakante substantiewe poste vir ‘n volle jaar gevul mag word. |
| 2. |
Paragraaf 3.2 van Omsendbrief 0121/99 wat betrekking het op skole met ‘n totale personeeldiensstaat van 20 of meer poste, bly steeds van krag. Dit beteken dat skole met 20 of meer poste een pos op kontrak moet vul. |
| 3. |
Geen kontrakbenoeming wat sal uitloop op ‘n netto botalligheid by ‘n inrigting, sal goedgekeur word nie. |
| 4. |
Aansoek- (A2-) en benoemings- (A3-) vorms (asook ‘n Z56 in geval van ‘n eerste benoeming - sien jongste omsendbrief, Omsendbrief 0243/2003 van 8 Desember 2003) ten opsigte van hierdie poste moet so spoedig moontlik by die WKOD ingedien word (AANDAG: Mnr. C. Booysen, Kamer 934). |
| 5. |
U word weereens gewys op die belangrikheid van die tydige indiening van nominasie- en aanstellingsvorms, veral aangesien die Provinsiale Tesourie besluit het om betalinglopies, insluitende aanvullende betalinglopies, te verminder tot een elke twee weke. Dit bring mee dat die laat indiening van hierdie vorms die laat betaling van salarisse en ander diensvoordele tot gevolg sal hê. |
| 6. |
U samewerking sal waardeer word. |
GETEKEN: J.H. HURTER
HOOF: ONDERWYS
DATUM: 2003:12:12
|