1. Die bevordering van 'n begrip van mede-eienaarskap van skole deur gemeenskappe is van die allergrootste belang indien vandalisme by skoolgeboue uitgeroei moet word. Die reuse bedrae geld wat as gevolg hiervan jaarliks aan die herstel van skoolgeboue bestee moet word, sal dan gebruik kan word om die agterstand in die instandhouding van skoolinfrastruktuur te verminder. Alhoewel skoolgeboue Staatseiendom is, is hulle gemeenskapsfasiliteite en die betrokkenheid van gemeenskappe in skole se inisiatiewe kan dus bydra tot die beperking van hierdie dade van vandalisme.
2. In ‘n poging om die konsekwente en eenvormige hantering van gevalle van vandalisme deur hoofde van opvoedkundige inrigtings te verseker, word ‘n stel riglyne in die ingeslote Riglyndokument vir Vandalisme voorsien.
3. Die pogings wat deur baie skole, beheerliggame en gemeenskappe in die bekamping van die opsetlike en sinlose beskadiging van skooleiendom word hoog op prys gestel.
4. Navrae in verband met die inhoud van hierdie omsendbrief kan gerig word aan mnr G Martin by tel. 021 467 2137.
5. U samewerking in hierdie verband sal waardeer word.

GETEKEN: R.B. SWARTZ
HOOF: ONDERWYS
DATUM: 2003:12:18

Vandalisering van Skoolgeboue  (grootte: 43 KB)