1. Die aangehegte Beleid oor Geslagsgelykheid van die Wes-Kaap Onderwysdepartement (WKOD) is van toepassing op alle werknemers (KS-opvoeders en staatsdienspersoneel) en leerders van die WKOD, en geaffilieerde individue, strukture en organisasies wat binne die gebiedsfeer van die WKOD optree. Die beleidsdokument is beskikbaar in al drie amptelike tale (Afrikaans, Engels en Xhosa) van die Wes-Kaapprovinsie.
2. Bogemelde beleid moet saamgelees word met die oorspronklike brondokument, Geslagsgelykheidsbeleid: Verwysingsdokument, wat op versoek verkrygbaar is vanaf die Direktoraat: Menslikehulpbronontwikkeling van die WKOD.
3. Die aangehegte beleid dien om die bevordering van geslagsgelykheid te verseker deur die

  • hersiening van bestaande beleide, praktyke en programme van die WKOD

  • regstelling van stereotipering van en ongelykhede tussen mans, vroue, seuns en meisies

  • monitering van die doeltreffendheid van programme, beleide en strategieë en deurlopende evaluering

  • ontwikkeling, koördinering, aanvaarding en implementering van planne van aksie

  • verhoging van bewustheid van geslagsgelykheidskwessies

  • toepassing van ‘n geslagsgelykheidsperspektief op alle besluite wat deur die WKOD geneem word

  • institusionalisering van ‘n struktuur om geslagsgelykheidswerk binne die WKOD te fasiliteer.

4. Geslagsgelykheid lê aan die kern van ‘n regverdige en vrye gemeenskap en alle persone moet verantwoordelikheid vir die bevordering daarvan aanvaar.
5. Lynbestuurders word versoek om die inhoud van hierdie omsendbrief onder die aandag van alle amptenare onder hulle toesig te bring.


GETEKEN: R.B. SWARTZ
HOOF: ONDERWYS
DATUM: 2003:12:01

Beleid oor Geslagsgelykheid van die Wes-Kaap Onderwysdepartement (WKOD)  (grootte: 46 KB)