| 1. |
Aangeheg is ‘n opsomming van die WKOD se Deurlopende Assesseringsriglyne (DASS) vir grade 10, 11 en 12 vir 2004. |
| 2. |
Volledige vakriglyne sal in Januarie 2004 aan skole gestuur word. |
| 3. |
Hoofde van opvoedkundige instansies moet let op die duidelike onderskeid wat daar tussen Assessering vir Leer (Formatiewe Assessering) en Assessering van Leer (Summatiewe Assessering) gemaak word. Alhoewel slegs die punte vir Assessering van Leer vir DASS gebruik sal word, moet skole nie Assessering vir Leer deur die loop van die jaar afskeep nie. |
| 4. |
Onderwysers moet professionele verantwoordelikheid neem en verseker dat toepaslike, voldoende en geldige Assessering vir Leer (raadpleeg Bylaag B) plaasvind. As bestuurder van die kurrikulum moet die skoolhoof verseker dat voldoende maatreëls in plek gestel word sodat ondersteuning en monitering van Assessering vir Leer plaasvind en onderrig en leer positief bevorder word deur die proses. Daar sal van onderwysers verwag word om voorbeelde van goeie praktyk van Assessering vir Leer in hulle portefeuljes te vertoon. |
| 5. |
Hoofde van opvoedkundige inrigtings moet kennis neem van die onderskeid vir die vereistes vir Grade 10, 11 en 12. Die DASS-vereistes vir die ses nasionale vakke, naamlik Biologie, Natuur- en Skeikunde, Geskiedenis, Rekeningkunde, Wiskunde en die Tale bly onverandered. Daar moet egter kennis geneem word van die verandering vir DASS vir dié vakke in Grade 10 en 11. |
| 6. |
Die DASS-vereistes van sekere vakke in die VOO-band het verander. Waar daar nasionale voorskrifte is, is dit onveranderd gelaat. Onderwysers moet die spesifieke vakriglyne deeglik bestudeer om vas te stel in watter mate die vereistes vir die vakke verander het. |
| 7. |
Bylae A, Assessering van Leer (Summatiewe Assessering), toon die verpligte DASS-vereistes vir Grade 10, 11 en 12 aan. Die vereistes bestaan uit vyf DASS-komponente: die eksamen, toetse, klaskamer-gerigte aktiwiteite, opdragte en projekte. |
| 8. |
Bylae B verstrek voorbeelde van assesseringsaktiwiteite van elkeen van die vyf kategorië wat vir beide Assessering vir Leer en Assessering van Leer gebruik kan word. |
| 9. |
Hoofde van opvoedkundige instansies word versoek om die inhoud van hierdie omsendbrief onder die aandag van alle onderwysers, leerders en ouers/voogde te bring. |
| 10. |
Navrae aangaande die inhoud van hierdie omsendbrief kan aan die direkteure of hoofkurrikulumadviseurs by OBOSe gerig word. |
| 11. |
Die isiXhosa weergawe sal in Januarie 2004 uitgestuur word. |
GETEKEN: P.A. VINJEVOLD
HOOF: ONDERWYS
DATUM: 2003:12:09
|