| 2. |
`n Loodsprojek om werknemers in te lig oor die implementering van die nuwe Personeelprestasiebestuur- en ontwikkelingstelsel (PPBOS) met ingang van 1 Junie 2004, is in Omsendbrief 0026/2003 bekendgestel. |
| 3. |
Die nuwe PPBOS is in die eerste plek gebaseer op `n individuele prestasie-ooreenkoms wat deur elke werknemer in samewerking met sy of haar toesighouer onderteken moet word. `n Werknemer sal beoordeel word na aanleiding van so `n prestasie-ooreenkoms, waarin daar omskryf word wat op sy of haar vlak na aanleiding van `n posbeskrywing van hom of haar verwag word, om te bepaal of sekere doelstellings binne `n voorgeskrewe kwalifiserende tydperk bereik is. Daar moet gelet word daarop dat `n eenvormige tydperk van een jaar, wat sal strek vanaf 1 April van `n spesifieke jaar tot 31 Maart van die daaropvolgende jaar, van toepassing sal wees. Die stelsel sal deurlopende evaluering verseker. |
| 4. |
Die belangrikste stappe in die PPBOS kan soos volg opgesom word:
`n Individuele Prestasie- en ontwikkelingsplan, wat sal uitloop op die Prestasie-ooreenkoms, moet opgestel word. Vordering moet ooreenkomstig die plan en die prestasie-ooreenkoms vier keer per jaar gemonitor word. `n Jaarlikse prestasiemeting/-assessering moet van werknemers gedoen word. `n Prestasiemetings-/assesseringsertifikaat moet voltooi word. |
| 5. |
Om `n werknemer te beloon vir gemiddelde en bo-gemiddelde werkverrigting, is `n aansporingsbeleidsraamwerk in ooreenstemming met die PPBOS ontwerp en word dit verder ontwikkel. Die volgende aspekte van hierdie aansporingsbeleid word tans geïmplementeer : |
| 5.1.1 |
|
Alle werknemers op salarisvlakke 1 tot 12 het in aanmerking gekom vir salarisvordering binne hulle salarisskale tot die maksimum kerf van die salarisskale verbonde aan hulle poste. |
| 5.1.2 |
|
Vordering na die volgende hoër kerf binne `n werknemer se salarisskaal is vanaf 1 Julie 2003 gebaseer op senioriteit (tydperk van aaneenlopende diens) en werkverrigting. Vordering het in hierdie oorgangstydperk outomaties geskied ten opsigte van daardie werknemers wat voldoen het aan die ander vereistes, soos hieronder uiteengesit, maar werkverrigtingsertifikate, waarvan `n afskrif aangeheg is, moet voor 31 Januarie 2004 ten opsigte van alle Saatsdienspersoneellede (nie-opvoeders) voltooi en voorgelê word. Indien `n sertifikaat ontvang word en daar word daarop aangedui dat `n werknemer se werkverrigting nie in alle opsigte bevredigend was nie, sal die bedrag wat hy of sy ontvang het na deeglike ondersoek en met inagneming van die wetlike toepassing van, onder andere, die audi alteram partem-beginsel, verhaal word. |
| 5.1.3 |
|
`n Werknemer moet op 31 Maart van `n jaar `n aaneenlopende tydperk van ten minste 12 maande op sy of haar salarisskaal voltooi en ten minste `n bevredigende prestasie-aanslag/-assessering verwerf het. |
| 5.1.4 |
|
Die salarisvorderingsiklus (en derhalwe die assesseringsiklus vir hierdie doeleindes) sal strek oor `n aaneenlopende tydperk van 12 maande wat op 1 April van `n spesifieke jaar `n aanvang neem, maar die werklike salariskerfverhoging sal op 1 Julie van elke jaar geïmplementeer word vir diegene wat daarvoor kwalifiseer. Byvoorbeeld, indien `n werknemer met ingang van 1 Mei 2003 tot `n pos op `n hoër salarisvlak bevorder is, sal hy of sy eers op 1 Julie 2005, na voltooiing van `n volle kwalifiserende jaar vanaf 1 April 2004 tot 31 Maart 2005, `n eerste salarisvordering ontvang. |
| 5.1.5 |
|
Die eerste salarisvordering ingevolge hierdie stelsel het met ingang van 1 Julie 2003 plaasgevind. |
| 5.1.6 |
|
Die toekenning van salarisvordering is beperk tot 1% van die WKOD se salarisrekening. |
| 5.1.7 |
|
Werknemers op persoonlike kerwe op hulle huidige salarisskaal, dit wil sê, `n kerf bo die maksimum van die salarisskaal wat aan sy of haar pos gekoppel is, asook werknemers wat gedurende die kwalifiserende tydperk van 12 maande 2de of 3de kerwe ontvang het, het nie vir salarisvordering gekwalifiseer nie, maar het die jaarlikse salarisaanpassing op hulle salarisskale ontvang. |
| 5.1.8 |
|
Werknemers kan salarisvordering- en ander prestasiegebaseerde aansporings (bv. prestasiebonusse) waarvoor daar in departementele prestasiegebaseerde aansporingskemas voorsiening gemaak word, in dieselfde boekjaar ontvang. |
| 5.2.1 |
|
`n Stelsel van prestasiebonusse wat soortgelyk is aan die stelsel van prestasiebelonings wat voorheen gegeld het, het vanaf 1 April 2003 in werking getree. Toekennings wat gebaseer is op uitstaande werkverrigting, word ook in twee kategorieë, naamlik 10% en 18% gemaak. Die enigste verskil is dat die persentasies nou bereken word op die persoon se huidige salariskerf en nie op die minimumkerf van die salarisskaal verbonde aan sy of haar pos soos voorheen die geval was nie. |
| 5.2.2 |
|
Totdat die nuwe PPBOS met ingang van 1 Junie 2004 ten volle geïmplementeer is, sal die evalueringsvorm Z476 nog steeds as `n tussentydse maatreël gebruik word om personeel te assesseer vir die toekenning van prestasiebonusse. |
| 5.2.3 |
|
Die toekenning van prestasiebonusse (en ander aansporings) sal jaarliks beperk word tot 1,5% van die besoldigingsrekening ten opsigte van Staatsdienspersoneel van die WKOD. Dit is dus duidelik dat nie elke werknemer vir hierdie aansporing sal kwalifiseer nie, en dat die stelsel aangewend moet word om werklik uitstaande werkers te vergoed. |
| 5.3 |
|
GRAADVORDERING Graadvordering is `n opwaartse vordering van `n laer gegradeerde na `n hoër gegradeerde pos/salarisvlak deur middel van oop kompetisie, dit wil sê, daar moet `n vakante pos wees voordat `n werknemer na `n hoër gradering kan vorder. Beleid in hierdie verband moet egter nog ontwikkel en onderhandel word. Tans staan dit alle personeellede vry om aansoek te doen om geadverteerde poste waarvoor hulle hulself geskik ag. |
| 6.1 |
|
Verdere inligting aangaande die implementering van die bogemelde stelsels sal in `n later stadium bekendgemaak word. |
| 6.2 |
|
Afskrifte van twee dokumente rakende die salarisvorderingstelsel, wat van die Departement: Staatsdiens en Administrasie ontvang is, word vir u rekords aangeheg. Die sertifikaat waarna daar in paragraaf 5.1.2 verwys word is baie belangrik en moet onmiddellik voltooi en aan die Personeelkantoor versend word asseblief. |
| 6.3 |
|
Verskoning word aangebied vir die Xhosa weergawe van hierdie omsendbrief wat nog nie beskikbaar is nie. Dit sal eersdaags uitgereik word. |
| 6.4 |
|
Bring asseblief die inhoud van hierdie omsendbrief onder die aandag van alle Staatsdienspersoneellede onder u beheer. |
| 6.5 |
|
Indien u verdere duidelikheid verlang, kan u een van die volgende persone skakel:Mnr B Bestenbier Tel nr. 021 467 2433
Mnr W V C Klein Tel nr. 021 467 2431 |
GETEKEN: G.J. ELLIOTT
HOOF: ONDERWYS
DATUM: 2003:12:04
|