1. Die maatreëls wat in hierdie omsendbrief vervat is, is van toepassing op opvoeders wat in 'n tydelike hoedanigheid aangestel word in substantiewe poste wat nie permanente bekleërs het nie en wat op 'n permanente basis gevul sal word deur advertering of herontplooiing ingevolge die maatreëls in die toepaslike kollektiewe ooreenkomste/resolusies van die Raad op Arbeidsverhoudinge in die Onderwys (RAVO) en/of die Personeeladministrasiemaatreëls (PAM).

2. Opvoeders wat as plaasvervangers aangestel word, naamlik opvoeders wat vir geslote tydperke aangestel word in die plek van opvoeders wat afwesig is of in hoër poste waarneem, is dus uitgesluit van hierdie maatreëls.

3. Die volgende hersiene voorwaardes vir aanstelling en diensvoordele van opvoeders wat in 'n tydelike hoedanigheid vir geslote tydperke in substantiewe poste (posvlak 1-poste) aangestel word, geld vanaf 1 April 2004, behalwe waar uitdruklik anders aangedui.

4. VERLOF
4.1 Die verlofmaatreëls vervat in Hoofstuk F van die PAM sal geld met die voorbehoud dat normale siekteverlof op 'n pro rata-basis toegestaan sal word. Dit beteken dat normale siekteverlof toegestaan sal word in verhouding tot die tydperk van aanstelling, byvoorbeeld as die opvoeder vir een jaar aangestel word, sal hy of sy kwalifiseer vir 12 dae van die voorgeskrewe 36 dae van die normale siekteverlofsiklus. Die nuwe siekteverlofsiklus sal op 1 Januarie 2004 begin.
4.2 Alhoewel die verlofmaatreëls vanaf 1 April 2004 geld, sal die toestaan van normale siekteverlof aan kwalifiserende opvoeders ( pro rata-gedeelte van 12 dae ) met ingang van 1 Januarie 2004 ( en nie vanaf 1 April 2004 ) in werking tree.
4.3 Ingevolge die verlofmaatreëls word inrigtinggebaseerde opvoeders geag met jaarlikse verlof te wees gedurende tydperke wanneer inrigtings buite geskeduleerde werktyd gesluit is (skoolvakansies).

5. DIENSBONUS
5.1 'n Diensbonus sal vanaf 1 Januarie 2004 betaalbaar wees ooreenkomstig die bestaande voorskrifte van toepassing op die betaling van sulke diensbonusse (en soos van toepassing op permanent aangestelde opvoeders).
5.2 Die betaling van so 'n diensbonus is nie terugwerkend van krag nie en dienste wat voor 1 Januarie 2004 gelewer is, sal nie in aanmerking geneem word vir diensbonusdoeleindes nie. Byvoorbeeld, as 'n opvoeder vir die jaar 2003 aangestel was en weer aangestel word (wat 'n nuwe aanstelling/kontrak is), dan sal slegs diens wat vanaf 1 Januarie 2004 gelewer word in ag geneem word vir die betaling van 'n diensbonus. Dit beteken dat 'n pro rata-diensbonus vir 2004 betaal sal word aan sodanige opvoeder as hy of sy voldoen aan al die vereistes vir die betaling van die bonus.
5.3 Een van die vereistes vir die betaling van die diensbonus is dat die werknemer in diens moet wees op die betaaldatum van sy of haar diensbonus (die maand waarin sy of haar verjaardag val).

6. MEDIESE HULP

Mediese hulp sal betaalbaar wees ooreenkomstig die bestaande voorskrifte wat op die betaling van mediese hulp van toepassing is (en soos van toepassing op permanent aangestelde opvoeders), met dien verstande dat bewys van toelating tot die mediese hulpskema ingedien moet word.

7. PENSIOEN
7.1 Hierdie maatreël wat op 1 Januarie 2004 geïmplementeer word, is slegs van toepassing op 'n opvoeder wat in 'n vakante substantiewe pos vir 'n tydperk van een kalenderjaar (wat 'n nuwe aanstelling is) aangestel word en wat sonder 'n diensonderbreking aangestel word in dieselfde pos by dieselfde instelling vir 'n verdere tydperk van een jaar (aparte tweede nuwe aanstelling). Die eerste eenjaartydperk sal dus dien as die kwalifiserende dienstydperk vir toelating tot die pensioenfonds.
7.2 Opvoeders wat soos in par. 7.1 aangestel word, sal op versoek tot die pensioenfonds toegelaat word met ingang van die eerste dag van die tweede nuwe aanstelling (na voltooiing van die kwalifiserende tydperk van een jaar), byvoorbeeld, as 'n opvoeder vir die jaar 2004 aangestel is en daarna weer in dieselfde pos by dieselfde instelling vir die jaar 2005 aangestel word, hy of sy op sy of haar versoek toegelaat word tot die pensioenfonds met ingang van 1 Januarie 2005.

8. HUISEIENAARSTOELAE
8.1 Huiseienaarstoelae sal betaalbaar wees ooreenkomstig die bestaande voorskrifte wat op die betaling van sulke toelae van toepassing is (en soos van toepassing op permanent aangestelde opvoeders).
8.2 Een van die vereistes van lidmaatskap van die huiseienaarstoelaeskema is dat 'n opvoeder 'n lid van die pensioenfonds moet wees. (Verwys na paragraaf 7 hierbo.)Een van die vereistes van lidmaatskap van die huiseienaarstoelaeskema is dat 'n opvoeder 'n lid van die pensioenfonds moet wees. (Verwys na paragraaf 7 hierbo.)
8.3 Aangesien hierdie maatreël vanaf 1 April 2004 sal geld, sal 'n opvoeder wat aan die vereistes vir die betaling van 'n huiseienaarstoelae voldoen, vanaf 1 April 2005 vir so 'n huiseienaarstoelae kwalifiseer.

9. AANSTELLINGSVOORWAARDES
9.1 Aanstelling in 'n tydelike hoedanigheid
9.1.1 Daar is besluit om weg te doen met die beleid waarvolgens aanstellings vir geslote tydperke in vakante substantiewe poste slegs vir 'n maksimum van ses maande gemaak kan word.
9.1.2 Opvoeders wat voldoen aan die voorgeskrewe vereistes vir aanstelling soos vervat in die PAM, en wat aangestel word in vakante substantiewe poste (posvlak 1) kan in 'n tydelike hoedanigheid aangestel vir twaalf kalendermaande wat nie verder as 31 Desember van die betrokke jaar sal strek nie.
9.1.3 Waar omstandighede dit vereis soos bv. in afwagting vir bekragtiging van 'n permanente benoeming na aanleiding van vakature in 'n vakaturelys adverteer, kan skoolhoofde versoek dat 'n opvoeder vir 'n korter tydperk as 12 maande tydelik aangestel word.
9.2 Vakaturelys

Slegs een vakaturelys vir posvlak 1-poste sal op 'n jaarlikse basis verskyn en die poste sal met ingang van 1 Januarie in die daaropvolgende jaar gevul word. (Bevorderingsposte sal egter met gereelde tussenposes gedurende die loop van die jaar geadverteer word.)

10. Bring asseblief die inhoud van hierdie omsendbrief onder die aandag van alle opvoeders en lede van die skoolbeheerliggame en versoek hulle om dit te teken en te dateer.

Die Xhosa weergawe van hierdie omsendbrief sal op 'n latere stadium volg.


GETEKEN: J.H. HURTER
HOOF: ONDERWYS
DATUM: 2003:12:02