| 1.1 |
|
Die WKOD stel dokumente beskikbaar wat die individuele eenheidstandaarde per leerarea dek. Die eenheidstandaard dokumente beskryf ‘n samehangende en betekenisvolle mylpaal of leeruitkoms wat formeel erken word sowel as die verwante prestasiebewys en standaardvereistes. |
| 1.2 |
|
Eenheidstandaarde beskryf die uitkoms en die standaard van prestasie en beskryf ook wat geassesseer moet word. Dit beskryf die gevolg van leer en NIE die leerproses nie. |
| 2. |
Uitreikingsdatum en hersieningsdatum |
| 2.1 |
|
Die uitreikingsdatum is die datum waarop die Suid-Afrikaanse Kwalifikasieowerheid (SAKO) die eenheidstandaard op die Nasionale Kwalifikasieraamwerk registreer. |
| 2.2 |
|
Die hersieningsdatum is die datum nadat die eenheidstandaard operasioneel was vir ‘n periode waarop die hersiening en herregistrasie daarvan moet plaasvind. Die hersieningsperiode wat deur SAKO vasgestel is, is drie jaar. |
| 3. |
Bestuur van eenheidstandaarddokumente |
| 3.1 |
|
Dit is die sentrumbestuurder se plig om seker te maak dat alle opvoeders toegang het tot afskrifte van die nuutste en korrekte eenheidstandaarddokumente. |
| 3.2 |
|
Die stel oorspronklike afskrifte van die eenheidstandaarddokument moet in ‘n veilige plek bewaar word. |
| 3.3 |
|
Dit moet beklemtoon word vir opvoeders en lede van die sentrumbestuur dat eenheidstandaarddokumente die eiendom is van die leersentrum. Indien ‘n opvoeder of lid van die bestuurpersoneel die diens van die Gemeenskapleersentrum (GLS) verlaat, moet die eenheidstandaarddokumente terugbesorg of teruggegee word. |
| 3.4 |
|
Aangesien verskillende konsepweergawes opvoeders en bestuurders by die GLS’e verwar, is dit belangrik dat afskrifte behou word, maar dat dit duidelik aangedui word wanneer hulle nie langer van toepassing is nie. |
| 3.5 |
|
Die Direktoraat: Kurrikulumontwikkeling en/of die OBOS’e sal GLS’e inlig wanneer veranderings aan eenheidstandaarddokumente gemaak is en sal hulle van bygewerkte afskrifte voorsien. |
| 4. |
Die geregistreerde eenheidstandaardtitels vir 2004 |
| 4.1 |
|
Bylae A verskaf aan sentrumbestuurpersoneel en opvoeders ‘n opsomming van die huidige eenheidstandaardtitels en spesifieke uitkomste. |
| 4.2 |
|
Die opsomming van die titels kan aan sentrumbestuurpersoneel leiding gee of afskrifte in die GLS nog steeds in gebruik is. |
| 5.1 |
|
Die VBOO-kurrikulumadviseurs van die OBOS’e is beskikbaar om advies aan sentrumbestuurpersoneel te verskaf indien dit nodig is. |
| 5.2 |
|
Indien nodig sal die kurrikulumadviseur die betrokke kurrikulumdeskundige of die Senior Kurrikulumbeplanner van die VBOO raadpleeg vir verdere ondersteuning. |
GETEKEN: P.A. VINJEVOLD
HOOF: ONDERWYS
DATUM: 2003:11:27
|