1. Onderwysinrigtings is onder dekking van Omsendbrief 0182/2003 voorsien van hulle goedgekeurde diensstate vir 2004. Hierdie nuwe omsendbrief verskaf bykomende inligting met betrekking tot paragraaf 4 van die voormelde omsendbrief en vervang Omsendbrief 047/2003.
2. Indien 'n onderwysinrigting sy goedgekeurde diensstaat oorskry, d.w.s. waar daar meer permanente opvoeders by die inrigting is as wat op die goedgekeurde diensstaat aangedui word, moet so 'n inrigting 'n proses aan die gang sit om te verklaar watter pos(te) en opvoeder(s) botallig is. Die regskikking moet geskied ingevolge Kollektiewe Ooreenkoms 2/2003, (afskrif aangeheg), die inhoud waarvan selfverduidelikend is.
3. Soos aangedui in Kollektiewe Ooreenkoms 2/2003, moet die kringbestuurder een verteenwoordiger per vakunie by die Provinsiale Raad op Arbeidsverhoudinge in die Onderwys (PRAVO) nooi om die proses waar te neem. Bewys van die uitnodigings (bv. fakstransmissiebewyse) moet op rekord gehou word. Alle korrespondensie moet gestuur word aan die provinsiale kantore van die betrokke unies en alle inligting wat by hierdie vergadering gebruik word, moet beskikbaar gestel word aan alle partye teenwoordig by die vergadering. Kennis van ten minste vyf werksdae moet vir alle vergaderings gegee word.
4. ‘n Opvoeder wat as botallig identifiseer is, moet skriftelik deur die kringbestuurder daarvan in kennis gestel word (Bylae A - aangeheg) waarna die prinsipaal die res van die personeel moet inlig van die uitkoms. Die betrokke opvoeder moet die opvoederprofielvorm (Bylae B - aangeheg) invul en dit via sy of haar prinsipaal aan die kringbestuurder voorsien. Die kringbestuurder moet dan die gemelde inligting indien by Direktoraat: Personeelbestuur (KS-opvoeders), vir aandag mnr D Flandorp.
5. Die sukses van die implementering van Kollektiewe Ooreenkoms 2/2003 sal afhang van die samewerking van werknemers en beheerliggame of rade van onderwysinrigtings. Daar moet in gedagte gehou word dat die proses van regskikking van botallige personeel ‘n deurlopende proses is en dat die WKOD verbind is daartoe om die waardevolle vaardighede van opvoeders te behou.
6. Hoofde van onderwysinrigtings moet verseker dat alle personeellede en lede van beheerliggame of rade 'n erkenning teken en dateer dat hulle bekend is met die inhoud van hierdie omsendbrief.


GETEKEN: N.A. DANIELS
HOOF: ONDERWYS
DATUM: 2003:11:19

Bylae A: Uitkoms van botallige opvoeders by inrigtings  (grootte: 16 KB)
Bylae B: Opvoedersprofiel  (grootte: 19 KB)