| 1. |
Hierdie omsendbrief moet saamgelees word met Omsendbrief 0167/2003, wat die sluitingsdatum vir Senior Sertifikaat-inskrywings as 15 Maart van elke jaar gee. |
| 2. |
Elke jaar is daar hoofde van inrigtings wat kandidate toestemming gee om graad- en ook vakveranderings te maak dae voordat die Senior Sertifikaat-eksamen geskryf gaan word. Dit is nie toelaatbaar nie, en is dus 'n onreëlmatigheid in die eksamenproses. Daar is geen regulasie wat sê dat sulke kandidate die uitslae van verkeerd geskrewe vakke na verloop van 'n sekere tydperk mag kry nie, al het die WKOD dit in die verlede gedoen. Ingevolge die regulasies mag kandidate net vakke skryf op die graad waarvoor hulle ingeskryf het. Die implikasie hiervan is dat dit binne die jurisdiksie van die WKOD val om die uitslae in vakke wat 'n kandidaat geskryf het, maar waarvoor hy of sy nie ingeskryf was nie, nietig te verklaar. Die betrokke kandidaat sal dan vir die daaropvolgende November-eksamen kan inskryf. |
| 3. |
Hoofde van opvoedkundige inrigtings is daarvoor verantwoordelik om hulle kandidate korrek in te skryf vir die eksamens (Omsendbrief 0193/2003 en 0137/2002). Om te verseker dat kandidate en hulle ouers die prosedures en implikasies ten volle begryp, word hoofde van inrigtings wat kandidate vir die Senior Sertifikaat-eksamens inskryf versoek om al die betrokke ouers skriftelik in kennis te stel van hierdie reëls en gevolge van ongemagtigde veranderinge soos dié waarna daar in paragraaf 2 hierbo verwys word. Kringbestuurders/MFT-lede sal gevra word om die aangehegte antwoordstrokie (Addendum B) wat deur elke hoof onderteken is, te versamel. Daarin word aangedui dat alle ouers van graad 10- en 11-leerders skriftelik voor die einde van hierdie jaar (2003) van die bogemelde reëls in kennis gestel is. |
| 4. |
Baie skole hou 'n verslag van hulle leerders se vak- en graadkeuses deur middel van 'n vorm wat deur die standerdhoof, die hoof van die inrigting en die ouers onderteken is. Hierdie vorm word weer geteken elke keer as 'n leerder 'n graad verander. Deur so 'n vorm te onderteken, dui die ouers dat hulle saamstem oor die vakke en grade wat hulle kind neem, en dat hulle bewus is daarvan dat hulle kind 'n kursus volg wat op die verkryging van 'n Senior Sertifikaat met of sonder matrikulasie-endossement sal uitloop. Hierdie vorm kan ook vir die Senior Sertifikaat-inskrywings gebruik word, aangesien die inligting daarop moet korrek behoort te wees en dit deur die betrokke partye onderteken is. 'n Voorbeeld van so 'n vorm is as Addendum A aangeheg. |
| 5. |
Hoofde van inrigtings word dringend versoek om aandag te gee aan hierdie uiters belangrike saak. |
GETEKEN: P.A. VINJEVOLD
HOOF: ONDERWYS
DATUM: 2003:11:19
|