1. Die Hersiene Nasionale Kurrikulumverklaring graad R tot 9 (Skole) sal gedurende 2005 in graad 4 tot 6 geïmplementeer word. Opleiding sal in Julie 2004 plaasvind.
2. Die opleiding van onderwysers van graad 4 tot 6 sal oor 4½ dae gedurende die weke van 5 tot 9 Julie en 12 tot 16 Julie strek.
3. Die opleiding van lede van Skoolbestuurspanne sal 1½ dae duur en sal op 1 en 2 Julie en op 19 en 20 Julie aangebied word.
4. Die sukses van die Grondslagfase-opleiding in 2003 was grootliks te danke aan onderwysers en skoolleiers se goeie bywoning van die opleidingskursusse wat in die vakansie aangebied is. Skole wat al hulle onderwysers in dieselfde week vir opleiding gestuur het, het gevind dat dit baie bevorderlik was vir spanbou en beplanning.
5. Verdere besonderhede rakende opleidingsdatums en lokale sal vroeg in 2004 verskaf word.


GETEKEN: P.A. VINJEVOLD
HOOF: ONDERWYS
DATUM: 2003:11:19