| 1. |
Die stelsel van langdienserkenning in die openbare sektor maak voorsiening vir die erkenning van |
| 1.1 |
|
20 jaar voltydse, ononderbroke, volgehoue, bevredigende en toegewyde diens deur die toekenning van ‘n paslike sertifikaat en die keuse om 10 dae van die aansoeker se eie beskikbare verlof te verdiskonteer. |
| 1.2 |
|
30 jaar voltydse, ononderbroke, volgehoue, bevredigende en toegewyde diens deur die toekenning van ‘n paslike sertifikaat en die keuse om 15 dae van die aansoeker se eie beskikbare verlof te verdiskonteer. |
| 2. |
‘n Persoon wat gedurende die tydperk van 1 Januarie 2003 tot 31 Desember 2003 aan die vereistes in 1.1 of 1.2 voldoen, kan dus vir ‘n toekenning in aanmerking kom. |
| 3. |
Die stelsel is van toepassing op die volgende: |
| 3.1 |
|
Alle staatsdienspersoneel |
| 4. |
‘n Persoon op wie paragraaf 2 van toepassing is, moet op Bylae A aandui of hy of sy die aantal dae beskikbare verlof genoem in paragrawe 1.1 en 1.2 wil verdiskonteer, al dan nie. Sodra hierdie keuse uitgeoefen is, is dit finaal en kan dit nie verander word nie. Omskakeling word gedoen volgens die persoon se salariskerf op die datum waarop hy of sy vir die toegewing kwalifiseer. |
| 5. |
Die hoof van die inrigting (die senior kringbestuurder in die geval van ‘n prinsipaal) of die toesighouer moet Bylae B voltooi om te bevestig dat die aansoeker volgehoue bevredigende diens gelewer het. |
| 6. |
Let asseblief daarop dat die bedrag wat vir die verdiskontering van verlof ontvang word, belasbaar is. |
| 7. |
Ten einde langdienssertifikate te kan voorberei en kontroleer, moet die Departement voorsien word van ‘n volledig voltooide Bylae C ten opsigte van die personeel op u diensstaat wat gedurende die tydperk 1 Januarie 2003 tot 31 Desember 2003 kwalifiseer. Die naam op die sertifikaat sal gespel word volgens die persoon se identiteitsdokument. Indien die persoon ‘n ander spelling verkies, moet dit duidelik in Bylae C aangedui word. |
| 8. |
Alle hoofde van inrigtings en/of toesighouers word versoek om Bylae C, en aparte Bylaes A en B ten opsigte van elke persoon wie se naam op Bylae C verskyn, teen nie later nie as 30 November 2003 aan die Departement te voorsien. |
| 9. |
Die kwessie rakende die uitreik van horlosies aan opvoeders en staatsamptenare met 30 jaar diens sal in ‘n ander omsendbrief aandag geniet. |
| 10. |
U spoedige reaksie sal waardeer word. |
GETEKEN: J.H. HURTER
HOOF: ONDERWYS
DATUM: 2003:11:30
|