| 1. |
Die nasionale Departement van Onderwys (nDvO) het aangekondig dat hy van voornemens is om twee addisionele vakke, Religiestudie en Tegnologie (Siviel) te ontwikkel (Staatskoerant 25636, Volume 460 van 28 Oktober 2003). |
| 2. |
Verder het die nDvO aangedui dat dit nodig geag is dat die nuut-ontwikkelde verklarings vir Ingenieursgrafika en Ontwerp, Tegnologie (Elektries) en Tegnologie (Meganies) hersien word om te verseker dat hulle ooreenstem met reeds ontwikkelde eenheidstandaarde vir beroepsrigtings. Vakwerkgroepe sal dus saamgeroep word vir al vier hierdie tegniese vakke. |
| 3. |
Elke vak se werkgroep sal bestaan uit 6 vakdeskundiges wat gekies is op grond van hulle ervaring en kundigheid in die betrokke veld. Nominasies vir hierdie werkgroepe sluit op 28 November 2003. |
| 4. |
In die lig van hierdie ontwikkelings word daar by skole aangedring om nie oorhaastig te besluit om tegnologie-vakke uit te faseer nie. |
GETEKEN: P.A. VINJEVOLD
HOOF: ONDERWYS
DATUM: 2003:11:12
|