| 1. |
Kollektiewe Ooreenkoms 8/2003 van die Raad op Arbeidsverhoudinge in die Onderwys (RAVO), Resolusie no. 8 van 2003: Geïntegreerde Gehaltebestuurstelsel (GGBS), is op 27 Augustus 2003 deur die werkgewer- en werknemerpartye onderteken. |
| 2. |
Hierdie ooreenkoms is toegespits op die inskakeling, versterking en ondersteuning van die onderskeie gehaltebestuurprogramme en die implementering van 'n GGBS, wat ontwikkelingsassessering (OA), prestasiemeting (PM) en heelskoolevaluering (HSE) insluit en dus nie 'n hele nuwe stelsel is nie. |
| 3. |
Opleiding word beplan vir die landwye implementering van die OA- en PM-komponente van die stelsel. Skoolbestuurspanne, skoolontwikkelingspanne en opvoeders sal voorsien word van verdere inligting in hierdie verband. |
| 4. |
Inligtingsessies oor die HSE-komponent van die GGBS sal in alle OBOS'e aangebied word. |
| 5. |
Die volle implementering van die GGBS, wat 'n betekenisvolle bydrae sal lewer tot die verwesenliking van die WKOD se visie van "Gehalteonderrig vir almal", sal in Januarie 2004 'n aanvang neem. |
| 6. |
Bring asseblief die inhoud van hierdie omsendbrief onder die aandag van alle belanghebbendes.
|
GETEKEN: J.H. HURTER
HOOF: ONDERWYS
DATUM: 2003:11:05
|