| 1. |
Die doel van die boekie1, Basiese Riglyne vir Professionele Optrede in die Werkplek, wat in Mei 2003 bekendgestel is, is om toepaslike en algemene waardes by alle werknemers van die Wes-Kaapse Provinsiale Administrasie in te skerp om sodoende vir hulle in staat te stel om 'n effektiewe en professionele diens aan die mense van die Wes-Kaap te kan lewer.
1 Die boekie waarna daar verwys word, is slegs as 'n drukstuk en op versoek beskikbaar.
|
| 2. |
Hierdie boekie is ontwikkel as 'n praktiese basiese riglyn vir professionele optrede en diensvoortreflikheid, en nie as 'n stel reëls of 'n rigiede beleidsdokument nie. |
| 3. |
Hierdie riglyne is slegs van toepassing op staatsdienspersoneel en u word versoek om 'n afskrif van die ingeslote boekie aan elkeen van hierdie personeellede in u direktoraat/OBOS/opvoedkundige inrigting te gee. Vir meer besonderhede met betrekking tot die Gedragskode vir Opvoeders, verwys asseblief na Hoofstuk 4, Bladsye 4-9 en 4-11 van die wetgewing vir die Suid-Afrikaanse Raad vir Opvoeders, 1999. |
| 4. |
Elke hoof van 'n direktoraat, OBOS of opvoedkundige inrigting moet asseblief sertifiseer dat alle staatsdienspersoneel onder sy/haar beheer 'n afskrif van die boekie ontvang het en die inhoud daarvan verstaan deur die voltooide aangehegte Bylae A teen nie later nie as 12 Februarie 2004 aan: Die Direkteur: Personeelbestuur (Staatsdiens) (Vir aandag: Mnr BG Jacobs), Kamer 10-19, Grand Central-gebou, Laer Parlementstraat, Kaapstad, 8001, te stuur. |
| 5. |
Enige navrae in hierdie verband kan gerig word aan mev M de Wet, tel. (021) 467-2474 of mnr BG Jacobs, tel. (021) 467-2908. |
| 6. |
U samewerking sal gewaardeer word. |
GETEKEN: J.H. HURTER
HOOF: ONDERWYS
DATUM: 2003:11:17
|