|
Die Wes-Kaap Onderwysdepartement wil graag alle skole wat deelgeneem het aan die provinsiale en nasionale erfeniskompetisies vir hulle ondersteuning en entoesiasme bedank. Die provinsiale kompetisie was 'n sukses. Ons wil graag in die besonder vir Sarepta Primêr se senior koor bedank vir hulle wonderlike sang tydens die opening van die kompetisie. Die wenners van die verskeie kategorieë by die provinsiale kompetisies het ook aan die nasionale kompetisie deelgeneem wat vanaf 21 tot 24 September in Kaapstad plaasgevind het. Die leerders van die Wes-Kaap het weereens goed gevaar op nasionale vlak, veral in die visuele kunste en in die skriftelike en spraakafdelings. Ons wil graag al die wenners op provinsiale en nasionale vlak gelukwens. Die lys wenners is aangeheg. Spesiale gelukwense gaan aan Angy Hendricks van Punt Hoërskool, Mosselbaai, wat saam met leerders van die ander agt provinsies, ‘n jeugambassadeur na Mali in Januarie 2004 sal wees. Volgende jaar vier ons tien jaar van ons Suid-Afrikaanse demokrasie. Om hierdie rede, wil ons skole aanmoedig om 'n spesiale poging aan te wend om deel te neem aan die 2004-erfeniskompetisie. GETEKEN: P.A. VINJEVOLD |