1. Hierdie omsendbrief moet saamgelees word met Omsendbrief 0171/2000: Senior Sekondêre Kursus: Programvereistes vir die erkenning van UNISA Praktiese Musiekeksamen, graad 6, 7 en 8, en die Voordraerslisensiaat in Musiek vir Senior Sertifikaat-doeleindes.
2. Die Nasionale Departement van Onderwys het provinsies deur middel van Omsendbrief S1 van 2003 ingelig oor die vereistes vir die erkenning van die Trinity College of London- (TCL)-eksamens vir Senior Sertifikaat-doeleindes.
3. Die volgende tabelle gee die Senior Sertifikaat-ekwivalente vir UNISA- en TCL-eksamens. Let daarop dat beide die praktiese en die teoretiese komponent geslaag moet word.
Unisa Praktiese MusiekeksamenTeoretiese komponent- vereistes wat geslaag moet wordSenior Sertifikaat- ekwivalentMaksimum punte vir groottotaal
Graad 6 Graad 5 Musiek SG 300
Graad 7 Graad 5 Musiek HG 400
Graad 8 Graad 6 Musiek HG 400
Voordraerslisensiaat in Musiek Graad 7 Musiek HG 400

Trinity College of London Praktiese MusiekeksamenTeoretiese komponent- vereistes wat geslaag moet wordSenior Sertifikaat- ekwivalentMaksimum punte vir groottotaal
Graad 6 Graad 6 Musiek SG 300
Graad 7 Graad 6 Musiek HG 400
Graad 8 Graad 7 Musiek HG 400
Voordraersertifikaat, Geassosieerd Graad 7 Musiek HG 400
Voordraerslisensiaat in Musiek Graad 8 Musiek HG 400

4. Aangesien die slaagvereistes vir beide die TCL- en die Unisa Praktiese Musiekeksamens verskil van dié van die Senior Sertifikaat-eksamen, sal die puntetoewysing vir Senior Sertifikaat-doeleindes verskil van die werklike persentasie wat in die voormelde twee eksamens behaal word. Die persentasie-punte is geskaal om hulle in ooreenstemming met die simbole en die slaag- en onderskeidingspunt te bring. HG-vakke tel 400 punte en SG-vakke 300. Die graderingsomskakelings is soos volg:
Trinity Musiek Graad 6: % 0-38 39-48 49-58 59-64 65-67 68-72 73-76 77-80 81-84 85-100
Simbool H GG G FF F E D C B A
Vaktotaal vir SG   0-59   60-74   75-89   90-99 100-119 120-149 150-179 180-209 210-239 240+

Trinity Musiek Graad 7: %  0-32 33-40 41-48 49-54 55-64 65-70 71-74 75-79 80-84 85-100
Simbool H GG G FF F E D C B A
Vaktotaal vir HG 0-79 80-99 100-119 120-133 134-159 160-199 200-239 240-279 280-319 320+

UNISA Musiek Graad 6: %  0-30 31-37 38-45 46-49 50-55 56-62 63-70 71-77 78-84 85-100
Simbool H GG G FF F E D C B A
Vaktotaal vir SG   0-59   60-74   75-89   90-99 100-119 120-149 150-179 180-209 210-239 240+

UNISA Musiek Graad 7: %  0-24 25-31 32-37 38-41 42-49 50-58 59-67 68-76 77-84 85-100
Simbool H GG G FF F E D C B A
Vaktotaal vir HG 0-79 80-99 100-119 120-133 134-159 160-199 200-239 240-279 280-319 320+

5. 'n Maksimum van EEN Trinity College- OF Unisa Praktiese Musiekvak kan in kombinasie met Senior Sertifikaat-vakke aangebied word.
6. Vir die doeleindes van die berekening van die groottotaal wat vir die uitreiking van 'n Senior Sertifikaat benodig word (minimum 720 punte), sal die toepaslike Trinity College of London- of Unisa Praktiese Musiekeksamenpunt soos volg bereken word:
6.1 In die geval van 'n sesvak-kombinasie sal die Musiekpunt by die groottotaal ingesluit word.
6.2 In die geval van 'n sewe- of seweplusvak-kombinasie, sal die groottotaal bepaal word op die basis van die punte vir die twee vereiste tale en die vier beste vakke vir Suid-Afrikaanse leerders, en die een vereiste taal en die vyf beste vakke vir immigrantkandidate.
7. Geen omskakeling of kondonasie sal van toepassing wees op die betrokke musiekeksamenuitslae nie.
8. Kandidate wat net vyf goedgekeurde vakke plus die toepaslike musiekeksamen van óf TCL óf Unisa aanbied, word as deeltydse kandidate ingeskryf en, as sulks, sal hulle uitslae nie op die lys van uitslae van voltydse kandidate verskyn nie.
9. Kandidate wat ses of meer goedgekeurde vakke en die toepaslike musiekeksamen van óf TCL óf Unisa aanbied, word as voltydse kandidate ingeskryf.
10. 'n TCL- en/of Unisa Praktiese Musiekeksamen mag nie in kombinasie met Musiek Hoërgraad of Standaardgraad aangebied word nie. Kandidate wat egter óf 'n TCL- óf 'n Unisa-musiekvak aanbied, kan ook Musiekvoordrag (Tweede Instrument) Standaardgraad as 'n erkende Senior Sertifikaat-vak aanbied.
11. In die geval van kandidate wat ses of meer goedgekeurde Senior Sertifikaat-vakke in kombinasie met 'n TCL- of 'n Unisa-musiekvak aanbied, moet die TCL- of die Unisa- musiekvak binne ses maande van die Senior Sertifikaat-eksamen geskryf en geslaag word sodat aan die groepeksamenvereiste vir universiteitstoelating voldoen kan word.

GETEKEN: P. A. VINJEVOLD
HOOF: ONDERWYS
DATUM: 2003:10:21