| 1. |
Weens die aard van die eksamenproses kan geen vaste datums vir die bekendmaking van die eksamenuitslae bepaal word nie. Ten einde skoolhoofde in staat te stel om die nodige reëlings te tref om die uitslae af te haal en te kontroleer, word die volgende teikendatums en verwante inligting verskaf. Let asseblief daarop dat hierdie teikendatums en -tye slegs tentatief is. Indien dit nodig mag wees om hierdie reëlings te verander, sal die relevante inligting in die pers verskyn. OBOS’e sal ten volle op die hoogte van enige veranderinge gehou word. |
| 1.1 |
|
Dinsdag 30 Desember 2003 om 08:00 Skoolhoofde kan die uitslae by
(LW: Nie voor 08:00 nie) OBOS ’e afhaal.
|
| 1.2 |
|
Skoolhoofde kry 4 uur tyd om uitslae vir enige ooglopende foute te kontroleer. |
| 1.3 |
|
Dinsdag 30 Desember 2003 om 12:00 Uitslae kan by die onderskeie skole
aan kandidate bekend gemaak
LW: GEEN uitslae mag aan kandidate bekend gemaak word en GEEN inligting in hierdie verband mag aan die pers verstrek word voor 12:00 nie. |
| 1.4 |
|
Dinsdag 30 Desember 2003 om 10:00 Bekendmaking van uitslae deur
Provinsiale Minister
|
| 1.5 |
|
Dinsdag 30 Desember 2003 om 12:00 Bekendmaking van nasionale uitslae
deur Nasionale Minister
|
| 1.6 |
|
Woensdag 31 Desember 2003 om 06:00 Uitslae in die pers en op die
WKOD-webwerf
|
| 1.7 |
|
Woensdag 7 Januarie 2004 na 12:00 Onafgehaalde uitslae word deur
OBOS ’ e aan die skole gepos.
|
| 2. |
Aangesien dit absoluut noodsaaklik is dat alle partye streng by hierdie reëlings moet hou, is u samewerking in hierdie verband onontbeerlik. |
| 3. |
Die Senior Sertifikaat-eksamenuitslae sal ook elektronies beskikbaar wees op die volgende webwerf: http://wced.wcape.gov.za Kandidate sal beide hulle eksamennommers en hulle identiteitsnommers moet insleutel. |
| 4. |
Skoolhoofde word versoek om die bygaande vorm oor die reëlings in verband met die afhaal van uitslae in te vul en voor 28 November 2002 aan die Direkteur van hulle betrokke OBOS te stuur. |
| 5. |
Die volgende inligting sal aan die media beskikbaar gestel word:
Name en eksamennommers van kandidate wat geslaag het, per skool per distrik. Die volgende simbole word gebruik: E - Endossement; M - Endossement (Meriete); D - Endossement (Onderskeiding); S - Senior Sertifikaat; N - Senior Sertifikaat (Meriete); P - Senior Sertifikaat (Onderskeiding). Die vakke waarin kandidate onderskeidings behaal het (A-simbole), sal ook aangedui word. Die name van kandidate wat in die eksamen uitgeblink het deur met Onderskeiding (groottotaal 1680 of meer) of Meriete te slaag (groottotaal tussen 1260 and 1679) Die naam van elke skool se topkandidaat Die name van die top drie kandidate (met ’n minimum van 80%) in elke Hoër- en Standaardgraadvak |
| 6. |
Dit is uiters belangrik dat ondersteuning en berading beskikbaar gestel moet word aan kandidate wat nie die eksamen slaag nie. Dit kan by die skool gedoen word of, indien van toepassing, by die betrokke OBOS waar personeel beskikbaar sal wees. As ‘n hoof ‘n kandidaat na ‘n OBOS verwys, moet die telefoonnommer en die adres van die OBOS aan hom of haar gegee word. Die hoof moet ook die kandidaat se besonderhede aan die OBOS verstrek. |
GETEKEN: B.K. SCHREUDER
HOOF: ONDERWYS
DATUM: 2003:10:17
|