| 1. |
Die nuwe Verdere Onderwys-en-opleiding- (VOO) kurrikulum sal in 2006 in graad 10 ingevoer word en die eerste VOO-sertifikate sal in 2008 uitgereik word. |
| 2. |
Beplanning vir die implementering van baie voorgestelde nuwe vakke sal op Hoofkantoor- (Wes-Kaap Onderwysdepartement (WKOD)) en OBOS-vlak gedoen moet word sodat effektiewe professionele ondersteuning gebied kan word aan skole en opvoeders. |
| 3. |
Daarbenewens sal die WKOD skole se verwoording van voorneme rakende vakkeuses moet ontleed ten einde te kyk na die uitwerking wat hierdie keuses op die beskikbaarheid en verspreiding van vakaanbiedings per kring, per OBOS en oor die provinsie sal hê. |
| 4. |
Die WKOD besef terdeë dat skole nie in hierdie stadium gevra kan word om 'n finale besluit te neem nie, maar, om in staat te wees om so gou as moontlik met hierdie makro-beplanning te begin, word hoofde van alle opvoedkundige inrigtings in die Wes-Kaap versoek om op die aangehegte vorm daardie vakke wat hulle tans vir aanbieding in graad 10 in 2006 oorweeg, aan te dui. Die voltooide vorm moet ingedien word by die Direkteur: Kurrikulumontwikkeling, Aandag: Me U Heydenrych, Wes-Kaap Onderwysdepartement, Privaatsak X9114, Kaapstad, 8000 teen nie later nie as 15 November 2003.. |
| 5. |
Hoofde van inrigtings word versoek om 'n skatting te maak van die totale aantal opvoeders wat vir graad 10 - 12 in elk van die gekose vakke benodig word, en om aan te dui hoeveel opvoeders wat tans op die personeel is, gekwalifiseer is om elke vak te onderrig en hoeveel wat op die personeel is tans besig is met studies vir 'n toepaslike kwalifikasie in elke vak. |
| 6. |
Hoofde van inrigtings word aangeraai om al die aangebode vakke met hulle personeel en beheerliggame te bespreek en om die vereistes van sommige van die meer gespesialiseerde vakke te bestudeer voordat besluite geneem word. Daar moet in gedagte gehou word dat sekere vakke bykomende koste-implikasies het in soverre dit toerusting en fasiliteite aangaan. Besluite behoort gebaseer te wees op fasiliteite en toerusting wat tans in die skool beskikbaar is of op wat beskikbaar sal wees ingevolge die skool se beraamde begroting. |
| 7. |
Verder inligting oor die hooftrekke en vereistes van die vakke is beskikbaar in Omsendbrief 0176/2003 en in die WKOD "Vak-infopakkette" wat die omsendbrief vergesel het, asook in die konsep nasionale vakkurrikulumdokumente van Oktober 2002. Let asseblief daarop dat die "Vak-infopakkette" omvattende vereistes vir elke vak gee - vir die minimum vereistes tree asseblief in verbinding met u kurrikulumadviseur. |
| 8. |
Skole moet plaaslike omstandighede in aanmerking neem, en plaaslike en nasionale loopbaanopsies te oorweeg in hulle vakkeuses. |
| 9. |
Die WKOD vertrou dat die oorgang na die nuwe kurrikulum in die VOO-band in Januarie 2006 glad en ordelik sal verloop. |
GETEKEN: P.A. VINJEVOLD
HOOF: ONDERWYS
DATUM: 2003:10:08
|