| 1. |
Die Wes-Kaap Onderwysdepartement (WKOD) het voorheen preprimêre leerterreine in verskillende kategorieë geregistreer en befonds, ingevolge die Wes-Kaapse Provinsiale Wet op Skoolonderwys, 1997 (Wet 12 van 1997), saamgelees met die relevante regulasies en Nasionale beleid oor die Vroeëkinderontwikkeling (VKO). Ten einde eenvormigheid te bewerkstellig is die prosedure vir die registrasie en befondsing van preprimêre leerterreine aangepas. Die prosedure wat volg, sal op 1 Januarie 2003 in werking tree.
|
| 2.1 |
|
Alle Graad R-(preprimêre) leerterreine moet by die WKOD geregistreer wees. Preprimêre skole of klasse wat nie amptelik by die WKOD geregistreer is nie, moet asseblief hulle aansoekvorms sonder versuim indien. Die prinsipaal of eienaar moet die aansoek onderteken en dit aan die betrokke OBOS stuur. |
| 2.2 |
|
Die kringbestuurder of die VKO-kurrikulumadviseur by die betrokke OBOS moet daarna ‘n inspeksie doen om te bepaal of die kurrikulum, die toestand van die gebou(e) en die finansiële bestuur van die leerterrein aan die voorgeskrewe kriteria voldoen. Die betrokke amptenaar moet dan ‘n verslag oor sy of haar bevindinge opstel en aanbevelings op die vorm maak. Hierdie dokumente moet ingedien word by die OBOS-direkteur wat dit, tesame met sy of haar aanbeveling(s), aan die WKOD-hoofkantoor vir oorweging moet stuur.
|
| 3. |
PROSEDURE OM AANSOEK OM BEFONDSING TE DOEN EN EISE IN TE DIEN |
| 3.1 |
|
AANSOEK OM SUBSIDIE
Aansoek om finansiële ondersteuning moet gedoen word op Bylaes A en B wat by die betrokke OBOS ingedien moet word.
|
| 3.2.1 |
|
Afskrifte van die voltooide eisvorms moet op die laaste skooldag van elke kwartaal vir verifiëring by die betrokke OBOS ingedien word. |
| 3.2.2 |
|
‘n Uittreksel uit die bywoningsregister, waarop die bywoning van leerders vir die kwartaal weerspieël word, moet die eisvorms vergesel. |
| 3.2.3 |
|
Nadat die eisvorms sorgvuldig nagegaan, geverifieer en onderteken is deur die OBOS- direkteur (of die persoon deur hom aangewys), moet hulle by Hoofkantoor ingedien word vir betaling.
|
| 4. |
Alle preprimêre leerterreine wat ‘n subsidie van die WKOD ontvang, moet ‘n gewone staat van inkomste en uitgawe wat deur ‘n rekenmeester opgestel is, binne 6 maande na die einde van elke finansiële jaar indien om aan te dui hoe die subsidie aangewend is. |
| 5. |
Alle Graad R-leerterreine wat ‘n subsidie van die WKOD ontvang, moet seker maak dat hul bankbesonderhede ingedien is en op die WKOD se elektroniese fondsoordragstelsel verskyn sodat subsidies direk in die inrigting se bankrekening inbetaal kan word. |
| 6. |
Goedkeuring is verleen vir die instelling van ‘n eenvormige stelsel van befondsing van R3 per leerder per dag vir leerders tussen die ouderdomme van 5 en 6 jaar, tot ‘n maksimum van 30 leerders by alle preprimêre leerterreine met ingang van 1 April 2002. |
| 7. |
Let asseblief daarop dat as ‘n Graad R-opvoeder minder as R1 200.00 per maand verdien daar aanbeveel word dat ‘n gedeelte van die subsidie aangewend word om sy of haar salaris aan te vul. Dit sal verseker dat sy of haar maandelikse besoldiging ten minste R1 200.00 beloop. Die balans moet vir ander bedryfsuitgawes gebruik word. |
GETEKEN: P.A. VINJEVOLD
HOOF: ONDERWYS
DATUM: 2002:12:19
|