'n Nuusbrief is in November verlede jaar (2001) aan skole gestuur waarin die sterk en swak punte van verskeie roostermodelle vir dans in primêre skole geskets is. Aangesien dansonderwysers in primêre skole òf deeltydse werknemers is òf twee skole bedien, kan daar nie van hulle verwag word om al die leerders in albei die skole te onderrig nie. Van sommige dansonderwysers word verwag dat hulle aan tweeduisend leerders per week onderrig sal gee, dat hulle elke leerder sal ken, elke leerder sal assesseer, en al die funksies, konserte en vergaderings van albei skole sal bywoon. Dit is eenvoudig nie moontlik nie.

Verder moet daarop gelet word dat:

  • Vanaf graad 4 - 7 behoort dansklasperiodes minstens 'n uur te duur, anders is die klas, teen die tyd dat leerders verklee en opgewarm het, reeds verby.

  • Vanaf graad 4 en verder behoort dansleerders ten minste tweemaal per week dansklasse te hê.

  • Skiktyd voorsien die buigbaarheid waardeur die rooster vir bykomstige leerervarings soos dans aangepas kan word (sien Omsendbrief 115/2000). Leerders behoort gedurende skiktyd vir dansklasse uit hul klasse onttrek te word, sowel as gedurende 'n deel van hul tyd vir Kuns en Kultuur. Hulle behoort nie ideële tyd van ander leerareas in te boet nie.

  • Dansleerders moet baie geleenthede hê om op te tree, en hulle moet elke jaar geassesseer word.

  • Die dansonderwysers behoort met leerders te werk wat wil dans en wat die aanleg daartoe het.

  • Klasse behoort nie so groot te wees dat daar onvoldoende ruimte is om in te beweeg nie. Daar behoort tot 30 leerders per klas (in minstens 'n dubbele klaskamer) geselekteer te word, en wel op 'n billike en inklusiewe wyse. Bykomstige leerders kan op 'n waglys geplaas word, om leerders te vervang wat nie deug nie. Groter klasse is slegs moontlik waar die vak in 'n groot saal onderrig word.

  • Die gebruik van dansonderwysers moet nie daartoe lei dat ander onderwysers vry periodes kry nie.

  • Die volgende blyk 'n doelmatige roostermodel te wees:

    GraadDuur van klasFrekwensie
    1 a
    1 b      hele klas of geselekteerde leerders
    1 c
    1 d
    		 45 minute
    45 minute
    45 minute
    45 minute
    		 Kwartaal 1
    Kwartaal 2
    Kwartaal 3
    Kwartaal 4
    2 a
    2 b      hele klas of geselekteerde leerders
    2 c
    2 d
    		 45 minute
    45 minute
    45 minute
    45 minute
    		 Kwartaal 1 & 2
    Kwartaal 1 & 2
    Kwartaal 3 & 4
    Kwartaal 3 & 4
    3        hele klas of geselekteerde leerders Selfde as hierbo Selfde as hierbo
    Leerders uit al die graad 4-klasse geselekteer tot
    'n maksimum van 30    		 1 uur 2 per week
    Leerders uit al die graad 5-klasse geselekteer tot
    'n maksimum van 30    		 1 uur 2 per week
    Leerders uit al die graad 6-klasse geselekteer tot
    'n maksimum van 30    		 1 uur 2 per week
    Leerders uit al die graad 7-klasse geselekteer tot
    'n maksimum van 30    		 1 uur 2 per week

  • Prinsipale word beleefd versoek om met mekaar oor die deel van 'n dansonderwyser te onderhandel, sowel as met die dansonderwyser oor wat 'n redelike verwagting sou wees met betrekking tot deelname aan bykomstige skoolaktiwiteite, en veral die skedulering van skoolkonserte.

  • Dansonderwysers kan met Leerarea: Kuns en Kultuur behulpsaam wees deur saam met die Kuns en Kultuur-onderwysers aan die beplanning deel te neem. Hulle sou ook kapasiteitbou-slypskole vir die onderwysers in hul skole kon reël om leiding te gee by die onderrig van dans as deel van Kuns en Kultuur.



GETEKEN: D.R. SHEPERD
HOOF: ONDERWYS
DATUM: 2003:01:29