Hierdie omsendskrywe is aanvullend tot WKOD Omsendskrywe 0045/2000 - Goedkeuring van Onderrigprogramme en Berekening van Voltydse Ekwivalente. Die doel van hierdie omsendskrywe is om

  • ‘n prosedure vas te stel vir die goedkeuring van alle programaanbieding deur openbare VOO kolleges

  • die jaarlikse voorlegging van openbare VOO kolleges se voorgestelde programaan-bieding te beklemtoon

  • ‘n beleid te verklaar vir die goedkeuring van addisionele programme

Die prosedure sluit interne kollege strukture, die Wes-Kaap Onderwys Departement en Onderwys en Opleiding Kwaliteit Owerhede (‘ETQA’s’) in.

1. Prosedure vir die goedkeuring van programme
1.1 Interne openbare VOO kollege goedkeuring

  • ‘n Kollege sal deur ‘n industrie en gemeenskapsbehoeftebepaling die behoefte vir die spesifieke kwalifikasie en program vasstel.

  • Die akademiese raad sal die kwalifikasie ontleed, goedkeur en ‘n aanbeveling aan die kollege raad maak.

  • Die kollege raad sal die aanbieding van die program goedkeur

1.2 WKOD goedkeuring

Nadat interne goedkeuring verleen is, sal die Hoof Uitvoerende Beampte van die kollege ‘n aansoek aan die Direkteur: VOO rig. Die aansoek moet kortliks die volgende opsom:

  • Noodsaaklikheid en bewys van die behoefte vir die spesifieke program

  • Die voordele van die program vir leerders en die kollege

  • Die Nasionale Kwalifikasie Raamwerk (NKR) vlak en kredietwaarde van die program

  • Benodigde hulpbronne, bv. onderrig personeel, fasiliteite en kurrikulum vereistes

  • Die voorgestelde befondsingsmodel met geidentifiseerde bronne vir befondsing
1.3 Kriteria vir WKOD goedkeuring

Program goedkeuring sal berus op:

Die relevansie van die program ten opsigte van industrie en gemeenskappe se behoeftes

Die strategiese prioriteitsareas van die kollege

Die NKR vlak van die kwalifikasie

Die geidentifiseerde en beskikbare hulpbronne, insluitende die kapasiteit van opvoeders en leermateriaal

Die mengsel van beroepsgerigte (vocational) en beroepspesifieke (occupational) programme wat deur die kollege aangebied word

1.4 Onderwys en Opleiding Kwaliteit Owerheid (ETQA) programgoedkeuring

Na WKOD goedkeuring sal die kollege ‘n aansoek rig tot die ‘ETQA’ wat verantwoordelik is vir die kwaliteitsversekering van die spesifieke kwalifikasie. ‘n Kopie van die WKOD goedkeuring moet die aansoek vergesel. Die inhoud van die aansoek moet kortliks die volgende insluit:

  • Die titel van die kwalifikasie soos geregistreer by die Suid Afrikaanse Kwalifikasie Owerheid (SAKO)

  • Die leerveld en sub-veld

  • Die NKR vlak en kredietwaarde van die kwalifikasie

  • Volledige kontak besonderhede van die kollege se kontakpersoon
1.5 Die ‘ETQA’

Die ‘ETQA’ se kwaliteitsversekering afdeling sal

  • Met ontvangs van die aansoek die kollege kontak

  • Dokumentasie vir die evaluering van die leerprogram verskaf

  • Die kollege in kennis stel van ontvangs van die program voorlegging vir goedkeuring

  • Interne prosedures vir program evaluasie en goedkeuring volg

  • Die WKOD en kollege in kennis stel van die uitkoms van die program evaluasie

  • Die reëlings aangaande die sertifisering van leerders uitklaar

2. Jaarlikse voorlegging van die voorgestelde onderrigprogram aanbieding

Verwys asseblief na Omsendskrywe Nr.: 0045/2000.


3. Addisionele program goedkeuring

Openbare VOO kolleges mag aansoek doen vir addisionele programgoedkeuring soos die behoefte ontstaan. WKOD sal binne 21 dae van die ontvangs van die aansoek ‘n antwoord verskaf.


WKOD sien met genoeë uit na u programvoorlegging.


GETEKEN: P.A. VINJEVOLD
HOOF: ONDERWYS
DATUM: 2003:10:06